榤日本料理 (已結業)

朋友介紹來到這間食肆，話呢度ｄ魚生好新鮮，老闆話幫我地發板，好！我地信佢，因為佢話包保好味抵食，先上一客魚生ＳＡＳＨＩＭＩ，有三文魚，象柭蚌，左口魚，八爪魚，跟住再上幾件壽司，最後有碗魚湯烏冬，大家估吓我地兩個人幾多錢埋單？係一千五百蚊呀！嚇到我兩個傻咗，究竟食咗咩咁貴？老闆話呢ｄSET係度身定造，ｄ材料日日新鮮運到喎！咁即係話其他食肆收得平嗰ｄ，唔係新鮮啦？佢唔好當人係老襯，更貴更高級嘅四季酒店稻菊日本餐廳我都去過，憑佢呢間食店想同六星級酒店睇齊收天價？　我地已經話晒俾身邊ｄ朋友知，唔好去呢間餐廳，各位如果想試吓俾人搵笨，就放膽行入去啦！