影片
更多
2018-08-27
479 浏览
有朋友意大利返嚟，仲帶埋意大利男朋友一齊，咁難得一年先見得果一、兩次，咁梗係要揀一間又好又有特色既餐廳啦。原本想去隔離館，但碌碌下openrice見到呢間新開，於是決定嚟呢間。前菜嗌左Padron pepper。Pepper 味道本身清郁，加上烘得夠香，用片片海鹽調味已經好好食。配白酒邊食邊飲更加正。Ham croquette 外脆內軟滑，薯蓉浸滿牛奶味，帶少少火腿蓉嘅咸香，同少少蛋黃醬，好味 😋Fries 有兩個醬揀，有ketchup同wasabi mayo。意大利人未食過wasabi mayo呢種口味，覺得好食又特別，沾完再沾，食唔停口 😂 餐廳抵讚，一個醬已經擄獲左呢個外國人既心。Pincho platter 每款一件，各有口味，配搭得宜，食得開心。我就食左件橄欖parma ham，yummy 👍🏻 遇到香料唔識個中文名，淨係知叫caper，侍應就答我地話叫續隨子，好勁，仲同我地講呢個係台灣專稱，又有其他人會叫佢做棘風。之後到Potato totilla 上桌，另一位侍應又好用心咁為我地用英語介紹呢道菜。份totilla新鮮煎，厚厚嘅蛋裏面包滿軟綿綿嘅薯粒，口感非常豐富，又充滿蛋
原本想去隔離館，但碌碌下openrice見到呢間新開，於是決定嚟呢間。
前菜嗌左Padron pepper。Pepper 味道本身清郁，加上烘得夠香，用片片海鹽調味已經好好食。配白酒邊食邊飲更加正。
Ham croquette 外脆內軟滑，薯蓉浸滿牛奶味，帶少少火腿蓉嘅咸香，同少少蛋黃醬，好味 😋
Fries 有兩個醬揀，有ketchup同wasabi mayo。意大利人未食過wasabi mayo呢種口味，覺得好食又特別，沾完再沾，食唔停口 😂 餐廳抵讚，一個醬已經擄獲左呢個外國人既心。
Pincho platter 每款一件，各有口味，配搭得宜，食得開心。我就食左件橄欖parma ham，yummy 👍🏻 遇到香料唔識個中文名，淨係知叫caper，侍應就答我地話叫續隨子，好勁，仲同我地講呢個係台灣專稱，又有其他人會叫佢做棘風。
之後到Potato totilla 上桌，另一位侍應又好用心咁為我地用英語介紹呢道菜。份totilla新鮮煎，厚厚嘅蛋裏面包滿軟綿綿嘅薯粒，口感非常豐富，又充滿蛋香。因為味道較淡，食嘅時候加埋香濃嘅蕃茄蓉，酸甜酸甜，好食。
Honey roasted spring chicken 烤得香，加左少少蜜糖烤，令外皮更脆。
最後當然要甜品過下口癮，少吃多滋味，只要左款Sake poached pears。梨甜軟而Sake 味唔濃唔嗆口，雪糕rum酒味就非常濃郁香甜，加上青檸jelly同炭酸碎糖喺口內爆化交融，口感同味道前所未有咁獨特，令人好有新鮮感。真係食過先知我講緊咩😂 總之一定要食下，值得一食。
餐廳氣氛好好，又有情調。如果食飽飯想同朋友飲返杯吹下水，可以揀嚟呢度。情侶嘅話亦都非常適合 🤗
张贴
