京おでん-まさ (已搬遷) 新店位置

話說呢間都係係其中一間預約困難店，比我book 到檯緊係即刻去啦（舖頭好細好少位）。安排到席前位可以睇住masa san 整野同埋同店員吹水，係開心既～成晚勁多日本客人同埋舖仔細細感覺好 cozy 好 warm~ 不過太夜有啲餸已經賣晒，冇得食玉子燒同埋八爪魚,哭 😢飲得 sake 緊係要嚟個佐酒既酒盜烏賊，有名你叫啦酒盜，鹹香十足好下酒唔覺唔覺就飲多咗；店員話牛根煮喺勁多local 客最愛既單品，咁就必須試試啦。牛根煮味道超級濃郁得嚟入口即化，果然係好野嚟。關西地區既關東煮湯頭一般係唔會加味醂或糖，所以口味比我哋一般食開既較為清淡。傳統煮配料包括有蛋、蘿蔔、竹輪、蒟蒻、油豆腐等等。京おでん-まさ係比你自己自行挑選鍾意既配料，當晚叫既配料如下：日本產大根(蘿蔔）清甜無渣， 蒟蒻爽口彈牙竹輪同魚餅有少少類近，不過都係經典必食項目嚟腐皮福袋入面包住年糕，好煙韌又勁索湯豆皮湯葉好香既豆味而且好柔軟九條葱口感柔軟而且好香 (葱有葱味！！！)飛竜頭（がんもどき）即係炸豆腐丸子，友人好戇居地大大聲話咩係飛龜頭，笑到癲咗。豆腐加入切碎既蔬菜好健康又好味～香腸反而一般般冇乜特別最後雖然無得食八爪魚脚，