聘珍樓

营业中

休息中

今晚情人節，老公帶我去食好西佢一早BOOK左聘珍樓話同我去食中菜(大肚之後硬係覺得中菜係正氣野)蒜泥煙鴨胸: 蒜味好香，一上枱已經聞到! 鴨胸略帶D咸咸地，但係都可以接受。肉質幾嫩滑，而且好煙韌，放入口之後有咀嚼感，肥膏亦唔多，皮又唔算肥，整體黎講我都覺得瘦肉比較多，味道好鮮美，食多幾件都唔怕!不過食完蒜之後個口會有少少味，食粒薄荷糖清下口氣~揚州炒飯: 料有少少菜﹑帶子仔﹑瑤柱絲﹑豬肉粒等等。份量都算幾多，2個人食每人都食到3碗仔酒樓碗，”筆”上黎都聞到好香既瑤柱味，外面食既通常都無瑤柱既，呢度有令我有D驚喜!豬肉粒就好”林”，一入口即融咁，都唔知係咩豬肉XD我最欣賞係佢個獻汁，咸咸地，但係好入味，因為獻汁都幾多，所以食到第2碗飯既時候已經有D膩，不過整體上都唔錯。