影片
更多
2020-09-25
471 浏览
仲記得第一次經過嘅時候就被全湖水藍嘅門面所吸引👀剛開業時期，店員好熱情係門口向我介紹以「魚」做賣點嘅菜式，哪怕眼見我岩岩由另一間餐廳出黎，當時會光顧嘅機會明顯不大，但佢無放棄，好把握每一個機會，大概係哩份熱忱令我一直都念念不忘🔥心動不魚行動，今日黎到雖然見唔番當時企門口嘅店員，但好高興見到光顧嘅客人都食得津津有味，例如隔離枱連湯都飲到一滴不剩😯所以魚湯魚麵係最期待嘅，除咗白雪雪魚湯，另外仲有麻辣、咖哩、木魚湯三款湯底可以選擇；麵都有米線米粉揀，可以揀到最岩自己嘅口味👅我就揀左最夠魚味嘅《黑白鴛鴦春卷》魚湯魚麵，魚湯雖說唔上好濃，但味道清甜，果然係要連湯都飲埋👍🏻；分別係墨魚春卷同魚肉春卷，口感比較實；魚麵質感超彈超爽，唔單止唔會腥仲有啖啖魚香🤤對比起黎，另一款《羅定魚腐+魚皮餃 x 牛丸=》嘅配搭更有魚味🐟😋魚腐索晒魚湯嘅精華，十分鮮甜多汁；牛丸🐮彈牙，但咁多魚得佢一個牛好似有啲突兀🤪如果換左鯪魚球或者白魚蛋統一啲感覺仲正😋😋😋輕食小品係錫住荷包嘅價錢，一口氣點晒三樣最想試嘅🙌🏻炸魚狗腸期間限定做緊半價，蜜糖芥茉醬好惹味，爽口彈牙嘅魚熱狗同面頭嘅脆粒一齊食係好豐富嘅口感；炸魚皮同魚薯條
心動不魚行動，今日黎到雖然見唔番當時企門口嘅店員，但好高興見到光顧嘅客人都食得津津有味，例如隔離枱連湯都飲到一滴不剩😯
所以魚湯魚麵係最期待嘅，除咗白雪雪魚湯，另外仲有麻辣、咖哩、木魚湯三款湯底可以選擇；麵都有米線米粉揀，可以揀到最岩自己嘅口味👅
我就揀左最夠魚味嘅《黑白鴛鴦春卷》魚湯魚麵，魚湯雖說唔上好濃，但味道清甜，果然係要連湯都飲埋👍🏻；分別係墨魚春卷同魚肉春卷，口感比較實；魚麵質感超彈超爽，唔單止唔會腥仲有啖啖魚香🤤
對比起黎，另一款《羅定魚腐+魚皮餃 x 牛丸=》嘅配搭更有魚味🐟😋魚腐索晒魚湯嘅精華，十分鮮甜多汁；牛丸🐮彈牙，但咁多魚得佢一個牛好似有啲突兀🤪如果換左鯪魚球或者白魚蛋統一啲感覺仲正😋😋😋
輕食小品係錫住荷包嘅價錢，一口氣點晒三樣最想試嘅🙌🏻
炸魚狗腸期間限定做緊半價，蜜糖芥茉醬好惹味，爽口彈牙嘅魚熱狗同面頭嘅脆粒一齊食係好豐富嘅口感；
炸魚皮同魚薯條點自配醬汁，原來炸魚皮同黑松露蛋黃醬係咁夾咁，好創新😍但係魚薯條口感似炸完後淋左嘅薯條，食落係魚肉條，略略油膩左啲，同埋太幼身魚味相對冇咁出🤨
整體最推薦嘅都係魚湯魚麵系列，菜式新穎獨特👍🏻
张贴
