影片
开饭介绍
「鱼事者」犹如一位鱼品魔术师，为传统鱼品注入崭新元素、以创新手法制作出多元化的鱼品轻食。
继续阅读
奖项殊荣
米芝莲必比登推介 (2023-2024)
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
*截单时间: 21:00
以上资料只供参考，请与餐厅确认详情
-
网上订座服务暂停
相关文章
系北角见到有间拎过米芝莲推介嘅小店「鱼事者」。望个餐牌价钱唔贵，心思思入去试，点知有意外收获！试咗几款招牌，样样都玩味十足：炸鱼冇薯条配松露酱 ($30)：米芝莲推介果然有道理！用鱼条代替薯条好特别，炸得外脆内软，咬落仲有少少肉汁，松露酱落得够多，浓香得嚟唔会盖过鱼味。记得趁热食，小心烫口。扮墨西哥鱼皮 ($35)：呢个创意满分！用脆口鱼皮代替粟米片，上面铺满芝士同配料，点埋牛油果酱，真系几有食紧墨西哥Nachos嘅感觉。鱼皮炸得干身唔油腻，不过芝士量真系多，我个人觉得有啲腻，芝士控应该会钟意。虾头油炸虾球鱼面捞 ($72)：另一款米芝莲主菜！虾球炸得爽弹，配沙律酱几夹。鱼面口感好得意，烟韧有咬口，捞埋炸香嘅樱花虾一齐食，咸香惹味。蒜油香鸡翼鱼面捞 ($68)：鸡翼四大只，炸得皮脆蒜香味浓，不过油份偏重，食到最尾有啲滞。鱼面同上款一样咁有特色。鱼汤翡翠苗 ($18)：鱼汤味唔算突出，但胜在份量多，翡翠苗够嫩冇渣，清清哋平衡返啲炸物。总结： 以米芝莲小店嚟讲，定价真系几亲民（尤其小食！）。最推介 $30嘅「炸鱼冇薯条」，创意同味道兼备；「虾球鱼面捞」 都值得试，鱼面口感特别。环境系普通小店格局，但食物有心思，行开北角想试啲新派鱼料理，不妨入去一试。
继续阅读
今次试咗三款创意鱼料理 真系估佢唔到🤯 炸鱼无薯条🍟平时食开啲薯条系粉粉地然后外表脆身😋但系今次佢揾鱼肉同鱼浆去整呢个薯条🤣食落去个口感变左好烟韧☺️对于女士黎讲仲好似健康啲同罪恶感少啲😈可以配埋酱更一流👻扮墨西哥鱼皮🇲🇽鱼皮炸到超脆口🤭食落配埋啲酱料🤤仲有啲似食紧taco chips咁 真系好鬼夹👍 最惊喜系「fishotto鱼米粒粒」扮意大利饭🍲 用鱼肉打成米粒size 口感超得意 咬落去弹牙又creamy🧀 仲有浓浓芝士香 完全呃到人系risotto😈 但其实低卡又健康💪 啱晒想减肥又忍唔住口嘅我🤣 菜式都好有创意🎨 将普通鱼肉变出国际风味🌍 价钱都合理 百零蚊有交易💰 唯一挑剔系份量偏细 男仔可能唔够饱🙈
继续阅读
早前听闻呢间专门食鱼嘅舖头，食物都唔使lun骨，就过嚟朝圣。下午茶时段冇乜人，可以自己拣位坐。店员喺我一坐低就摆低咗一细兜疑似xo酱，同埋碗仔翅俾我试味（免费的）。我拣咗炸鱼无薯条（跟双子酱，即系明太子同鱼籽）同埋三𩠌鱼面（罗定鱼腐，卜卜蚬同墨鱼春卷配白雪雪鱼汤底）。个炸鱼无薯条，外形真系好似薯条，唔知真系畀佢呃到。我觉得佢切得比较细条，中间好似食唔到鱼肉嘅质感，如果改为粗薯条嘅粗度可能会食到多啲鱼味，而家我觉得有啲似台湾嘅甜不辣。食到一半觉得𡁻到好攰，可能佢加左啲粉浆令啲鱼肉易定型无咁易散所致。至于个双子酱，我就食唔到明太子应有嘅辣味，间中先食到几粒大啲嘅蟹子就多啲口感。到个三𩠌鱼汤鱼面，佢声称系白雪雪鱼汤，但系并唔是我想像中嘅奶白色鱼汤，系比较清色，口感都相对较薄，唔够浓厚。至于啲𩠌方面，啲卜卜蚬都算唔少，上面有几粒调左味嘅炸蒜，都食得出鲜味嘅。鱼腐墨鱼春卷就冇乜特别，不过春卷就系现炸卜卜脆。最特别系佢个鱼面（而且好慷慨，好大碗），佢个样好似米线，但食落就烟烟韧韧，唔系鱼蛋铺啲鱼面咁，系面条状嘅鱼蛋杯冻奶茶我叫咗多奶，佢就真系畀到我想要嘅比例我，但系我话少冰其实啲冰一啲都唔少。一个女仔应该食唔晒我嗌𠮶食物，最后我打包咗一大半碗鱼面最后讲吓啲唔使钱嘅碗仔翅（虽然得一啖），佢好足料，有肉丝，木耳，仲好入味，不过可能太足料，佢有啲“杰”。最后埋单时佢畀咗一张下次可以当五蚊用嘅coupon。
继续阅读
「鱼事者」铺面唔算大，典型港式小店格局，干净企理。但座位略窄，lunch hour可能要搭枱。 今次试咗自由点三𩠌面，面质弹牙，由鱼肉打成，十分特别。而汤底我拣咗白雪雪鱼汤，第一啖鲜甜，饮到尾有少少鱼既甘香，无腥味。第一个𩠌要咗紫菜，浸鱼汤后超夹！吸汤力强！第二个𩠌要咗黄金鱼饼，外层小小硬，但咬开有流心芝士酱，类似芝士头腐。第三个𩠌要咗鸡扒，外层皮十分脆，肉质十分嫩滑，但份量有啲少。个人认为翻食指数高！推荐鱼汤，鱼控必试！
继续阅读
之前喺铜锣湾食过觉得都几好食几特别，原来天后都有㖞，又可以成为我嘅午餐新宠了😂😂😋今日食啲比较特别嘅嘢，系店家推荐嘅「虾头油炸虾球鱼捞面」。🐟一路以嚟食鱼面都系以汤面嘅形式去食，但系呢度就用咗少少西式嘅方法去烹调，食落口好似一个西式嘅意粉咁样。🦐虽然呢个菜式系以虾为主，但系食落口，我觉得虾嘅鲜味唔算好重，反而成碟系用个酱汁去调味。啲鱼面一如以往的爽口弹牙，不过我自己都系比较钟意食返平时嘅汤面多啲。
继续阅读