四季良晨 (新都城中心) (已結業)

呢間台灣菜價錢合理，味道幾好，我都食過幾次👍🏻.紅燒腱心牛肉麵 $59有别於一般牛肉麵，湯底係比較清甜，重口味人士可能會唔滿足，但食到尾都唔會有膩嘅感覺。腱心牛肉超有驚喜，好軟腍又有牛味😋.塔香。三杯雞定食 $88定食包湯同菜，湯幾清甜足料，唔太濃味。菜就幾好食嘅娃娃菜。三杯雞都幾滑，但略嫌不夠熱同香辣，飯係日本米，值得一讚🥰.台南手工餡餅 $28/2等得唔算耐，熱辣辣，外脆內多汁，包皮又薄又脆，餡係豬肉碎同椰菜，最好食係佢！.夏日水漾鮮果茶 $25有多種生果，有鮮果清甜味，唔會死甜，好fresh!.脆脆阿華田 $23表面有Oreo脆脆同忌廉，令成杯濃厚左