PRET A MANGER (國際金融中心商場)

营业中

休息中

因為Lunch食得太飽，但又唔可以唔食晚餐，所以就同朋友決定嚟呢間三文治Cafe店。因為未食過呢間，所以就揀啲大家都鐘意食嘅野Share。挪威煙三文魚薯仔沙律 $48 ，煙三文魚份量相當多，而且味道唔錯，對平時買嘅好食。薯仔唔會太淋，幾夾口，不過醬汁對我嚟講太酸，落哂一定食唔落，整睇成個沙律幾好味。特色香草辣味肉丸熱烤卷 $36 ，薄餅皮比較厚同硬，有點失色，不過肉丸倒係唔錯，甚至比Ikea嘅略勝，而且份量算多，食完成件會幾飽。凍朱古力 $18 ，朱古力味香濃，雖然冰唔算少，但溶咗係都唔會覺得淡，值得一讚！夏日黑加侖子乾果燕麥乳酪 $23 ，健康低卡之選，黑加侖子果漿幾濃味，同乾果燕麥乳酪Mix埋味道平衡得幾好，不過個人唔太鐘意食燕麥，所以覺得一般。