PRET A MANGER (國際金融中心商場)

营业中

休息中

中環返工，午餐時間實在唔多，通常都要搵啲快捷又唔失水準嘅地方食飯。今次去咗Pret A Manger買咗個雞肉牛油果三文治配凍泡沫咖啡。點餐同出餐都好快，唔使排耐，對趕時間嘅我嚟講已經加晒分。三文治用料新鮮，包軟餡多，雞肉唔鞋，配埋牛油果一齊食真係幾香口。最重要係份量啱啱好，食完唔會太飽又唔會唔夠力返工。咖啡方面，味道濃郁但唔會太苦，凍飲幾夠提神。坐位唔多但翻枱快，基本上唔會等得耐。地方乾淨企理，職員態度親切，唔會因為係快餐就hea做。成間鋪感覺幾專業，食物又健康，成日返工唔夠時間食飯嘅我，Pret 真係幫到手，起碼唔洗餐餐食飯盒或者杯麵。平衡到時間同健康，返工人真係會感激有呢類選擇💼☕🥪。

Pret A Manger是一間非常受歡迎的三文治店，無論你係忙碌工作日定係悠閒週末，都係輕食之選。嗰日我行經中上環，忽然感到肚餓，就決定入Pret A Manger一試。我揀咗火箭菜龍蝦沙律三文治($27)，用全麥麵包夾住。全麥麵包健康又鬆軟，入口即溶，帶有淡淡嘅穀物香味。火箭菜嘅清香同龍蝦沙律嘅鮮味真係絕配。龍蝦沙律用料好新鮮，龍蝦肉質鮮甜多汁，搭配適量嘅美乃滋，同火箭菜嘅微苦味形成完美平衡。三文治整體味道非常豐富，每一口都充滿健康同滿足嘅感覺。Pret A Manger的三文治全部都用新鮮嘅食材，全麥麵包更加係高纖低卡，適合注重健康嘅朋友。🥪🥗😋

雖然係連鎖店，但係個人實在幾鐘意食呢間嘅乳酪杯。有時想食少啲，輕盈啲，都會返食吓唔同款式嘅乳酪杯。今次試咗「藍藻藍莓乳酪」： 藍藻冇加到咩味道，就係一般嘅乳酪嘅味道，偏結實質地。鐘意呢度嘅乳酪杯主要係因為佢啲topping，有椰片脆脆口感，又有藍莓、同一粒粒嘅莓果，夾埋一齊口感幾豐富。龍蝦仔辣沙律牛油果三文治：覺得冇咩辣味。小龍蝦份量比較少，唔好期待啖啖龍蝦肉嘅感覺。

嘩，今日隨意行入咗間Pret A Manger，體驗下平民化嘅外國口味。我揀咗個碎蛋沙律三文治，又點咗牛油果雞肉三文治當小食。先講碎蛋㗎，真係咁滑咁惹味，仲混咗啲蛋黃醬，食落去香濃得黎又唔膩口，添上清新嘅蕃茄同脆口生菜🍅🥬，啖啖都係新鮮感。不過，同道地茶餐廳個三文治比起嚟，呢個份量真係小巧精緻少少嘅。至於個牛油果雞肉，咁滑嫩嘅牛油果質感好正，雞肉都算係幼滑，有種難以形容嘅清新味道，唔錯，有驚喜噃！有新鮮感添，一齊食落，呢份搭配真係好過癮。對於忙碌嘅我嚟講，有時一個三文治都能夠帶俾我滿足感同短暫嘅逃離，外國風味嘅三文治簡直正到飛起！間唔中自我犒賞一下，都算係一種小確幸啦，下次繼續嚟試其他款式！🤩💕🍔

有時候，不太肚餓時，又不想食飯，便會想起Pret 的熱食！熱烤卷！今日食了一個「芝士磨菇雞肉熱烤卷」，第一次食，我覺得很不錯！好食！之前食得比較多是「北京烤鴨卷」和「意大利香辣肉丸熱烤卷」，呢兩個都好食！前者用北京烤鴨做招徠，很好👍🏻又中又西。都好食！ 肉丸個卷都有香濃的番茄🍅味道，感覺很新鮮，也很好食😋！這家店，仲有一些大大配西式濃，飲過，我都覺得不錯👍🏻！雖然算好抵，但仍可接受！之前都有試過pret 的冷卷，都是北京烤鴨卷，比較後，呢一款味道，我自己反而覺得凍食好似更加好味道！我也點了一杯熱朱古力，不過，講真，味道一般吧，麻麻地。

《This is 素Good》@ Pret 小編一向都鍾意飲Pret嘅咖啡，鍾意佢有機之餘唔會好似其他現時流行日式咖啡一樣濃到眼光光瞓唔着覺😵‍💫 最近多咗個理由啦，就係佢哋出咗一系列嘅綠色素版menu 有必選三文治 勁香脆法包 香濃蔬菜湯 墨西哥卷 保持一貫Pret既水準 簡直係速食首選 👍🏻我覺得中環置地嗰間最好食 😋 你呢？Pret goes GREEN ✅ I also enjoy their organic coffee, strong in taste but not strong in caffeine (did I say Fuel? 😅) Recommended dishes 必吃British Cheddar & Pret Pickle 英國車打芝士酸果醬 Sandwich Posh Cheddar & Roasted Tomatoes Baguette 英國車打芝士烤蕃茄法式長麵包 🧀 🍅 🥖 Classic Pumpkin Soup 傳統南瓜湯 🎃🥣Minestrone 意大利蔬菜濃湯 🇮🇹🥫🍲

之前黎買個吞拿魚包做早餐，事後check付款紀錄已經發覺收多左錢，原本$18嘅面包會收$20幾蚊，今次再幫襯多次，睇清楚個價錢先埋去比八達通付款，收銀員又系望一望個包就收多錢，我即場提出問題時發現兩位收銀員對望一下神情怪異，雖然最後有矯正番個價錢，但我覺得佢地事實系扮無知，令消費者用電子支付時不以為意，所以大家要格外留意。

去中環海濱睇演唱會前，同朋友來到Pret A Manger吃點輕食。自己想吃點熱食，選了京式烤鴨熱烤卷，熱烤卷的熱度能夠保持，餅皮入口香脆。Wrap內的餡料豐富，鴨肉香，肉質不會好老好粗糙，以海鮮醬調味，味道香濃，不會太鹹。除了烤鴨外，還有紅洋蔥和菠菜，加入蛋黃醬，味道惹味！Wrap內有菜有肉，不會油膩，感覺輕盈健康。朋友選吃蘇格蘭煙三文魚三文治，三文治入口乾身，煙三文魚的味道偏鹹，不太好吃。鮮莓香脆燕麥片乳酪，採用無麩質的燕麥片，對麩質過敏者可以食用。藍莓香甜，乳酪香滑，最令人驚喜的是內有椰子脆片，增添一陣椰子香氣，令味道沒那麼單調！簡簡單單的健康輕食快餐，是三文治的味道令人失望。熱烤卷及乳酪都好吃啊！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷️Pret A Manger@中環💁🏻京式烤鴨薄餅卷行過肚餓忍唔住買一隻黎食，唔知係唔係太肚餓既原因，食到味道比之前好食，鴨肉同埋洋蔥都好足料，即食仲要熱辣辣之餘知外皮仲係脆卜卜，冬天食仲可以邊食邊暖手添，正啊鴨汁順住個薄皮流出黎，肉汁鎖住響鴨肉度，仲有生菜包住，一啲都唔會話好油膩，由圖可見配菜都包住醬汁添是否推薦↩️？✅方便快捷既熱食

這裏一直是我的方便健康me time之選，旺得嚟流轉好快，1-2個人好容易搵位。幾年來食物質素都穩定。反而仍然covid但座位竟然冇以前咁乾淨就真。今日試咗個幾like的新菜式: 西班牙雜錦海鮮白椰菜花(扮)飯ok不錯，海鮮好足料冇異味，質感都新鮮冇霉。配松子仁同埋香草。perfect little treat for the afternoon

平時番工要Grab & Go, Pret a manger 都一定係我首選，只為快靚正，又多分店，又唔使諗。今日一如以往，諗住食個快早餐，但係整體質素都下降，無論食物質素定係服務一樣。明明已經冇人排隊，但係俾錢都要等，同埋手腳好慢，入到去有空枱，但係枱面仲見到上一手客人剩低嘅垃圾。 邀請佢哋清潔，都係要等一陣先處理到。叫咗沙律，煙三文魚三文治，同埋北京烤鴨卷。沙律菜正常發揮，但係煙三文魚個三文治咸到嚇親人，但係估唔到除咗咸之外，入面竟然可以食到幾塊魚鱗🫠🫠 北京填鴨券一直都食開，但係今日再食，唔知係因為存放泰萊定係乜嘢原因，鴨肉嘅質地好梅，整體味道似叉燒多過似鴨。

9:20落左8號波，在中環地鐘站買個三文治當早餐，今次揀左個黑醋雞肉牛油果三文治（$26）半份的份量適合當作早餐，打開有好多什沙律菜，咬下起黑醋的味道酸酸甜甜令人精神為之一振，可惜雞肉份量極少，性價比低

一家三口暑假去離島玩😄打算中環搭船⛴到達中環在準備行去碼頭途中打算嚟個簡單輕食誰不知沿途都找不到最後見到Pret，食物款式好啱心水碎蛋沙律三文治🥪 $19配有火箭菜，好味健康朱古力牛角酥 $16鬆脆可口，仲暖暖的京式烤鴨薄餅卷 $42配有烤鴨肉醃得入味，味道不錯蜜糖香脆麥片乳酪 $24乳酪好滑，吾太甜，配有蜜糖，好好味，值得推薦凍焦糖鮮奶咖啡☕️咖啡味略嫌淡，不過不失熱鮮奶咖啡☕️同樣啡味偏淡，稍為失色📸環境指數🌕🌕🌕🌕🌑🤵🏼‍♀️服務指數🌕🌕🌕🌑🌑👅味道指數🌕🌕🌕🌕🌑💰抵食指數🌕🌕🌕🌕🌑⭐️推介指數🌕🌕🌕🌕🌑

三點三，工作到好累又餓，健康得嚟又飽肚，三文治+乳酪 係我最喜歡💕三文治只有半件，就是岩哂我只想食少少乳酪：藍藍地色，但又唔係好假既藍色，幾靚，賣相吸引到我，看起來好似好好食，所以買走食落清新，好重藍莓味，藍莓唔酸，最重要乳酪不過甜，精粹在面頭有椰子片 調起左成個香味，變得不普通。

主菜：烤三文魚沙律冷麵三文魚肉質甜美可口，冷麵爽脆味道很好，配歐陸式沙律，感覺很refresh.加一碗菜湯，非常匹配，餐後飲番杯荔枝甘桔，成個人醒胃精神，上哂電一般！順道一提：冷麵上配上毛豆，既新鲜又健康，值得各位嘗試！