影片
更多
2011-11-18
69 浏览
同太太晌中环食完晏，并未即刻打道回府，因为仲有下场。由于今日称得上风和日丽，有太阳得嚟又凉凉哋，湿道唔高，所以就经由香港公园行过去湾仔嘅永丰街，沿途当散散步之余，帮助消化一下头先食𠮶餐，其次就系欣赏下香港公园嘅花花草草，我哋两个真系好少过嚟依头，兼且边有咁闲情逸兴致行公园，难得今日好好享受一个悠然下午。到咗永丰街，虽说系湾仔区，但属边皮位置，宁静之外，都系宁静。目标店舖就系ēpöch Coffee Bar and Desserterie，之前睇过佢嘅食评已几有兴趣走过来一试，但都系揾唔到脚，卒之撞啱佢搞团购，$29就可以享用任何一款手制法式甜品，再加一杯纯意大利illy即磨咖啡，顺理成章，完全无谂即买！虽然依区系个宁静小区，但入到店内一啲都唔宁静。虽然餐厅播著轻松柔和嘅音乐，因为几近爆满，不过，大多数都系斯文客，又唔会话好嘈好吵，只系始终都近乎坐满，声浪总有一定分贝。本来想揾梳化坐，但太多人，只好退而求其次，拣咗近窗两张高脚凳嘅位，老实讲，坐就唔及梳化位舒服，但一心一意嚟试佢嘅蛋糕，都无乜所谓啦！手揸两套团购券，眼睛先晌精致亮丽嘅甜品柜度打量，斋睇住咁多款靓饼都赏心悦目呀，蛋糕拣咗An
到咗永丰街，虽说系湾仔区，但属边皮位置，宁静之外，都系宁静。目标店舖就系ēpöch Coffee Bar and Desserterie，之前睇过佢嘅食评已几有兴趣走过来一试，但都系揾唔到脚，卒之撞啱佢搞团购，$29就可以享用任何一款手制法式甜品，再加一杯纯意大利illy即磨咖啡，顺理成章，完全无谂即买！
虽然依区系个宁静小区，但入到店内一啲都唔宁静。虽然餐厅播著轻松柔和嘅音乐，因为几近爆满，不过，大多数都系斯文客，又唔会话好嘈好吵，只系始终都近乎坐满，声浪总有一定分贝。本来想揾梳化坐，但太多人，只好退而求其次，拣咗近窗两张高脚凳嘅位，老实讲，坐就唔及梳化位舒服，但一心一意嚟试佢嘅蛋糕，都无乜所谓啦！
手揸两套团购券，眼睛先晌精致亮丽嘅甜品柜度打量，斋睇住咁多款靓饼都赏心悦目呀，蛋糕拣咗Antton同人人都赞嘅7 Layer Valrhona Chocolate Cake。而抬头往上望，热咖啡都有成十多款选择，最后，咖啡一杯系Marocchino – Chocolate by Valrhona，另一杯则系Cappuccino Viennese。
Antton $35何解件饼叫Antton，不得而知，但介绍牌上写住朱古力同榛子，老婆心水，所以就选中佢。三角造型，其实都唔易整，底层带有榛子碎嘅朱古力饼底，味道很有榛子香；中间嘅朱古力慕丝，打得极致幼滑；而最外层包上薄薄朱古力浆，可可味浓，跟住洒啲榛子粒，令卖相唔会太单调。
7 Layer Valrhona Chocolate Cake $39之前做咗啲功课，一众食家极力推介此蛋糕，所以都一心想试试。打正旗号用Valrhona朱古力，用料应该唔会有太大怀疑，由底层起，有薄薄脆饼底、结实嘅朱古力块、浓郁嘅brownies蛋糕、软滑朱古力慕丝、柔软黑朱古力浆、顶层斜放嘅朱古力薄片，数嚟数去都系6层，唔知顶层薄片之下𠮶几粒朱古力系咪当一层呢？7种唔同浓度同质感嘅朱古力放埋一齐，味道、口感纷陈，净系睇手功咁繁复都值回票价啦。
Marocchino – Chocolate by Valrhona $35我就当佢系莫卡咖啡Mocha嘅奶泡版，或者叫鲜奶咖啡Latte嘅朱古力版，因为系以特浓咖啡为基础，加入纯厚嘅热朱古力，再加埋蒸打过嘅牛奶。口感比平时饮到嘅Mocha幼滑细致啲，朱古力味隐约中又有几分幽香。
Cappuccino Viennese $32
只系一杯平常嘅泡沫咖啡，再晌咖啡面上喷上鲜忌廉，再轻轻洒一点点咖啡粉做好个卖相。味道几芳香，因为加重咗忌廉，当搞匀先饮咖啡香会淡咗，但相对就滑身好多，不过惯饮热辣辣咖啡嘅港人，会感觉杯咖啡变暖咗，咖啡香无咁鲜活。
对于两件蛋糕都好满意，虽然都系主打朱古力味，但都叫各有特色。而咖啡方面，小弟觉得Marocchino较为吸引啲，此外，依度冲调咖啡都系跟返外国，唔会好似港式咁热辣辣，所以，上述𠮶杯Cappuccino Viennese当搞匀埋啲鲜忌廉，杯嘢真系少少暖暖哋架咋。叹完件饼同咖啡，行吓星街、日街，再经圣佛兰士街离开依个悠闲宁静小区！张贴
