成個menu都有特色印象非常深刻✨
今次見到 How To Live Well 同悅和合作
以悅和唔同醬油貫穿既二人套餐
一睇餐牌見到前菜主菜都經過悉心設計
HKD468可以食到特別既fusion菜💫
🥗 前菜
悦和米酒糟漬車厘茄配蕃茄果凍🍅
入口已經有驚喜 車厘茄微酸帶幾濃既米酒香
而且夠冰涼爽口 估唔到蕃茄果凍味道做到咁清新開胃
自家製炸雞可樂餅配悅和極品甜醋
外層炸到酥脆 雞肉餡料幾嫩
加上悅和特製甜醋 味道酸酸甜甜
意外地同章魚燒汁味道有啲似
🍝 主菜
悦和潮式辣椒油炒煙鴨胸貓耳朵粉
用辣椒油炒到好惹味香辣既貓耳朵粉
貓耳朵粉掛汁力十足 每一啖都吸滿辣汁
整體辣度幾明顯但越食越上癮🌶️
烤悦和混醬日本豚飯 +HKD38
日本豚肉燒到邊位微焦 半肥瘦比例剛好
豬肉味濃郁又完全無雪味
混醬帶出豚肉鹹香但唔會過重
配埋旁邊既蒜香醋紅椰菜同泰露筍酸酸微清爽
🍰 甜品
開心果意大利芝士蛋糕杯加HKD88
呢期最興開心果都忍唔住叫左個開心果甜品share
cream入口超輕盈 奶香濃郁但完全唔膩
加上開心果碎粒增加香氣同口感
🍹 COCKTAILS
我地額外嗌左兩杯調酒
Breeze Season 🌿 HKD88
帶有菠蘿果香 慢慢滲入濃烈既vodka
平常愛飲酒既朋友可以試下 呢杯微醺感好重
Time for Tea-quila 🍵 HKD88
茶香同龍舌蘭融合得好特別
入口先有茶香 尾段帶少少酒勁
