影片
更多
2024-02-08
364 浏览
2024年1月23日 星期二今晚約左舊同事係灣仔一齊食飯，同事選擇咗呢間餐廳，因為佢喺附近返工，之前食過lunch都覺得唔錯，所以推介俾我哋我哋一共4個人，好快就已經點齊菜式，而食物係點餐後15分鐘後就開始陸續送上，首先有呢一個薄切白魚，師傅將魚肉切到好薄身，塊塊都差不多，盡顯功架，食落去幾彈牙又有咬口，而且醬汁酸酸地幾開胃之後有吞拿魚海膽壽司，成個造型好特別，最上面有海膽同黑魚子，中間有一塊好大嘅拖羅，而下面仲有吞拿魚蓉，所以一啖食落去口感好豐富，既食到海膽嘅鮮甜，又食到拖羅入口即溶嘅感覺，幸福感即時湧晒出嚟呢個係新鮮果茶，冇諗過份量都幾大，成個茶壺送上，可以慢慢飲，味道酸酸甜甜，幾醒胃，又可以解去食物嘅油膩感，加上果茶裏面嘅生果仲可以食埋添跟住有炸雞，雞塊上面加上檸檬汁，食落去會冇咁油膩，炸雞嘅外皮好香脆，冇乜炸漿，一咬落去肉汁就即刻流出嚟，而裡面既肉質好嫩滑然後有蔬菜天婦羅拼盤，分別有秋葵、茄子、南瓜等等，全部都炸到脆卜卜，個人覺得最好食係炸蕃薯，因為炸到外層脆之餘，番薯既內部又好棉，番薯味好濃郁再黎有餐廳招牌玉子燒，一咬落去真係見到一層層蛋皮疊埋一齊，裡面仲已經有惹味醬汁，每啖
今晚約左舊同事係灣仔一齊食飯，同事選擇咗呢間餐廳，因為佢喺附近返工，之前食過lunch都覺得唔錯，所以推介俾我哋
我哋一共4個人，好快就已經點齊菜式，而食物係點餐後15分鐘後就開始陸續送上，首先有呢一個薄切白魚，師傅將魚肉切到好薄身，塊塊都差不多，盡顯功架，食落去幾彈牙又有咬口，而且醬汁酸酸地幾開胃
之後有吞拿魚海膽壽司，成個造型好特別，最上面有海膽同黑魚子，中間有一塊好大嘅拖羅，而下面仲有吞拿魚蓉，所以一啖食落去口感好豐富，既食到海膽嘅鮮甜，又食到拖羅入口即溶嘅感覺，幸福感即時湧晒出嚟
呢個係新鮮果茶，冇諗過份量都幾大，成個茶壺送上，可以慢慢飲，味道酸酸甜甜，幾醒胃，又可以解去食物嘅油膩感，加上果茶裏面嘅生果仲可以食埋添
跟住有炸雞，雞塊上面加上檸檬汁，食落去會冇咁油膩，炸雞嘅外皮好香脆，冇乜炸漿，一咬落去肉汁就即刻流出嚟，而裡面既肉質好嫩滑
然後有蔬菜天婦羅拼盤，分別有秋葵、茄子、南瓜等等，全部都炸到脆卜卜，個人覺得最好食係炸蕃薯，因為炸到外層脆之餘，番薯既內部又好棉，番薯味好濃郁
再黎有餐廳招牌玉子燒，一咬落去真係見到一層層蛋皮疊埋一齊，裡面仲已經有惹味醬汁，每啖都充滿蛋香，配埋蘿蔔蓉一齊食就更加正
串燒係我最期待既環節，因為可以一次過嘗試多款唔同既串燒，其中有燒牛舌、燒免治雞肉同燒粟米等等，燒牛舌係強烈推薦，除咗咬落去多汁之外，牛肉味仲好香濃添，點埋檸檬汁一齊食就感覺無咁油
呢個係牛油炒蜆，蜆完全無沙，而且每一隻都已經開晒殼，牛油味好濃郁
然後有牛肉滑蛋豆腐鍋，熱辣辣咁上菜，所以淨係飲湯已經即刻暖笠笠，而且豆腐好滑溜，同牛肉幾夾，用嚟送飯食一流
仲有燒魷魚，上菜時師傅已經剪開一舊舊方便進食，魷魚燒到好彈牙，又有少少焦香，加埋醬汁一齊食就更加惹味
最後有泡菜牛肉石鍋飯，上面除咗有牛肉同泡菜之外，仲有好多配料，全部撈勻晒一齊食，每一啖嘅味道都好豐富，有少少辣，越食越起勁，但未辣到入唔到口
埋單大約$2000左右，我哋都食得好滿足！！
张贴
