影片
更多
2023-06-01
62 浏览
最近得知銅鑼灣瀛豐搬咗新舖，特登過黎一試。全店全新裝修，以灰色同金色作為主調。座位比起舊嗰陣闊落咗好多，坐得舒服， 啱曬一大班friend一齊嚟吹水食放題。依到食品種類仲非常之齊全， 泰式日式一應俱全 ，仲包埋飲品甜品雪糕雪條， 最過癮就係佢呢度連生啤都任添。 鍾意食生蠔嘅朋友仲可以加138蚊，任食帶子海膽同埋生蠔。生蠔落半打就比足六隻你， 唔似出面啲鋪落半打衹黎四隻。 食落肥美鮮甜，唔會話腥。海膽帶子係喺帶子中間介一刀，然之後釀入海膽。 帶子夠曬大隻厚肉， 美中不足就係海膽味味道唔係咁出眾。魚生種類都幾足， 三文魚，希靈魚 ，赤蝦，馬刀貝，象拔蚌， 八爪魚， 吞拿魚，油甘魚都有齊曬，擺喺隻船上面打卡一流。熟食方面亦唔輸蝕。一口牛大大粒肉嫰惹味 。炒椰菜苗，辣椒膏炒蜆多肉味濃。泰式魚餅蝦餅，炸南瓜天婦羅，炸香蕉，雞軟骨，炸芝士年糕夠曬香口， 唔算特別油膩。 燒秋刀魚同元貝都幾出色， 唔會話燒到乾曬水，鞋颯颯。飲品方面除咗任飲嘅生啤之外 ，由烏龍茶，龍井茶，冬瓜茶，去到忌廉溝鮮奶，奶茶，馬蹄爽，甘蔗水 ，乳酸飲品 ，解茶，啤酒同埋盒裝嘅嘢飲都有齊。 唔鍾意飲凍飲嘅朋友仔仲有熱茶可以選擇添
最近得知銅鑼灣瀛豐搬咗新舖，特登過黎一試。全店全新裝修，以灰色同金色作為主調。座位比起舊嗰陣闊落咗好多，坐得舒服， 啱曬一大班friend一齊嚟吹水食放題。依到食品種類仲非常之齊全， 泰式日式一應俱全 ，仲包埋飲品甜品雪糕雪條， 最過癮就係佢呢度連生啤都任添。 鍾意食生蠔嘅朋友仲可以加138蚊，任食帶子海膽同埋生蠔。
生蠔落半打就比足六隻你， 唔似出面啲鋪落半打衹黎四隻。 食落肥美鮮甜，唔會話腥。
海膽帶子係喺帶子中間介一刀，然之後釀入海膽。 帶子夠曬大隻厚肉， 美中不足就係海膽味味道唔係咁出眾。
魚生種類都幾足， 三文魚，希靈魚 ，赤蝦，馬刀貝，象拔蚌， 八爪魚， 吞拿魚，油甘魚都有齊曬，擺喺隻船上面打卡一流。
熟食方面亦唔輸蝕。一口牛大大粒肉嫰惹味 。炒椰菜苗，辣椒膏炒蜆多肉味濃。泰式魚餅蝦餅，炸南瓜天婦羅，炸香蕉，雞軟骨，炸芝士年糕夠曬香口， 唔算特別油膩。 燒秋刀魚同元貝都幾出色， 唔會話燒到乾曬水，鞋颯颯。
飲品方面除咗任飲嘅生啤之外 ，由烏龍茶，龍井茶，冬瓜茶，去到忌廉溝鮮奶，奶茶，馬蹄爽，甘蔗水 ，乳酸飲品 ，解茶，啤酒同埋盒裝嘅嘢飲都有齊。 唔鍾意飲凍飲嘅朋友仔仲有熱茶可以選擇添， 種類算係非常之充足。
整體嚟講性價比幾高，值得同fd黎聚下。
张贴
