影片
更多
2022-05-25
144 浏览
#銅鑼灣 #鐵板燒今次揀咗鐵板燒做生日飯～雖然冇靚海景，但lunch set性價比高😆每個師傅對1-2台客，上菜速度啱啱好，食咗1.5個鐘左右。師傅好少同我地講嘢，但waiters會係上菜嘅時候介紹個到菜嘅食法同個到菜會帶出咩味道🤣服務唔錯，生日嘅話會提前一日打比你問寫咩字係甜品到～〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️有4個一人同2個二人lunch set 可以揀。今次揀咗set B 同set C，希望可以試多啲菜式。《Set B $438》1. 前菜-沙律+黑魚子鵝肝蒸蛋- 沙律醬汁酸甜，正常- 蒸蛋好滑，黑魚子多，鵝肝好香鵝油味，但唔會好騷（我怕騷味都覺得好食）2. 海鮮-火焰黑松露汁煮帆立貝+大海蝦-帆立貝好大粒，仲有帆立貝內臟，一分為二，方便share食。黑松露汁好香濃，但有少少鹹（雖然都比我飲晒🫣）火焰個下係好啱打卡嘅😂-海蝦好大隻彈牙，有椒鹽係面，幾惹味👍🏻3. 日本熊本A5和牛薄切燒配香煎野菜- 一塊大和牛薄切，包住大量蔥同炸蒜（唔食蔥嘅記得一開始order嘅時候講定）；和牛都香牛味，但未到好濃和牛油脂- 煎野菜唔會煎得好乾，食落仲好多汁，冇特別調味，但碟到有鹽岩點4. 味
今次揀咗鐵板燒做生日飯～雖然冇靚海景，但lunch set性價比高😆
每個師傅對1-2台客，上菜速度啱啱好，食咗1.5個鐘左右。師傅好少同我地講嘢，但waiters會係上菜嘅時候介紹個到菜嘅食法同個到菜會帶出咩味道🤣服務唔錯，生日嘅話會提前一日打比你問寫咩字係甜品到～
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
有4個一人同2個二人lunch set 可以揀。今次揀咗set B 同set C，希望可以試多啲菜式。
《Set B $438》
1. 前菜-沙律+黑魚子鵝肝蒸蛋
- 沙律醬汁酸甜，正常
- 蒸蛋好滑，黑魚子多，鵝肝好香鵝油味，但唔會好騷（我怕騷味都覺得好食）
2. 海鮮-火焰黑松露汁煮帆立貝+大海蝦
-帆立貝好大粒，仲有帆立貝內臟，一分為二，方便share食。黑松露汁好香濃，但有少少鹹（雖然都比我飲晒🫣）火焰個下係好啱打卡嘅😂
-海蝦好大隻彈牙，有椒鹽係面，幾惹味👍🏻
3. 日本熊本A5和牛薄切燒配香煎野菜
- 一塊大和牛薄切，包住大量蔥同炸蒜（唔食蔥嘅記得一開始order嘅時候講定）；和牛都香牛味，但未到好濃和牛油脂
- 煎野菜唔會煎得好乾，食落仲好多汁，冇特別調味，但碟到有鹽岩點
4. 味噌湯
- 正常
5. 海鮮炒飯
- 有鑊氣，飯粒粒分明，唔會太濕太乾，每啖都食到海鮮粒
6. 甜品/咖啡
有紅豆/黑芝麻雪糕，我地都揀紅豆雪糕，唔會好甜，食到豆沙嘅感覺，而且有gelato黏黏感覺，不錯
《Set C $538》
1. 前菜-沙律+黑魚子鵝肝蒸蛋
2. 海鮮-菊花煙燻帆立貝+南非鮑魚
-將帆立貝擺係小鐵罐到用菊花煙燻，食落好香菊花味，幾特別。點少少鹽食更加提升到帆立貝嘅香甜，而且熟度啱啱好！仲有紅酒果凍清一清口腔，味道唔濃但有隱約甜甜嘅紅酒味，唔飲酒都易入口
- 南非鮑大隻爽口彈牙，仲有煎得微焦嘅鮑魚內臟，幾香口。配清淡嘅紫菜味汁，可以食到鮑魚個鮮甜
3. 日本熊本A5和牛薄切燒配香煎野菜
4. 味噌湯
5. 蟹肉炒飯
蟹肉份量唔算好多，但都足夠。食落唔係好濃蟹味，但係新鮮嘅，蟹肉都鮮甜。
6. 甜品/咖啡
另加一份鵝肝（$188），係匈牙利鵝肝，外面煎得微脆，內好嫩，配埋黑醋汁解膩
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
整體味道唔錯，性價比高
餐廳：虎鐵 鐵板燒
地址：銅鑼灣軒尼詩道525號澳門逸園中心12樓
.
.
.
#鐵板燒 #銅鑼灣 #銅鑼灣美食 #hkfoodie #hkfood #foodiehk #causewaybay #causewaybayfood #teppanyaki #sukiyaki #capcha_food #seafood
2 浏览
0 赞好
0 留言
6 浏览
0 赞好
0 留言
2 浏览
0 赞好
0 留言
3 浏览
0 赞好
0 留言
4 浏览
0 赞好
0 留言
2 浏览
0 赞好
0 留言
6 浏览
0 赞好
0 留言
14 浏览
0 赞好
0 留言
张贴
