佢哋嘅招牌係脆皮BB鴿海鮮餐，鴿肉外皮香脆，肉質嫩滑，配上鮮美海鮮，海鮮有鰻魚、魷魚、帆立貝，海鮮燒到外脆內嫩，非常鮮味，外層味道層次豐富。
BB鴿好好味，juciy唔鞋口，仲有各樣海鮮，鰻魚啖啖肉，魷魚成隻手掌咁大隻超過癒，帆立貝又係好大粒夠鮮味，超滿足。
漢堡系列亦值得推介，流心藍芝士牛肉漢堡獨特嘅藍芝士味道同多汁牛肉完美結合，溶化嘅藍芝士散發濃郁嘅香味，口感豐富，牛肉漢堡厚到不得了，夠晒惹味。
雞翼炸得香脆，鹹香滋味適中，一口咬落啖啖肉汁，絕對係啱啱好嘅小食選擇。
餐廳嘅飲品方面，凍果茶清甜解辣，為餐點增添一份清新感。價錢合理，性價比高。
