三台八座 (已結業)

咁岩過開西營盤，見到咁多好評，即刻試試佢先。一開始冇睇價錢就直接入去，開頭以為好貴啦，因為依區食野都唔平，好鬼多諗餐都近百完先食到餐西野。依間$58蚊個午餐，有湯有野飲。依個樣。已經完勝好多餐廳。一開頭行過見到佢地煮定左意粉啲放左係到，心諗會唔會好似茶餐廳果啲咁軟淋淋呢。但落到黎枱一試。咦，彈牙喎，重有用茄汁煮過。甜甜地幾好食。賣相都有啲。分量也可以，塊魚幾大。肉都幾嫩。不過有啲腥。跟餐杯咖啡都可以。服務就一流，好貼心。