影片
港铁西营盘站 B2 出口, 步行约5分钟
继续阅读
营业时间
星期一
11:30 - 16:00
18:00 - 21:00
星期二
全日休息
星期三
11:30 - 16:00
18:00 - 21:00
星期四
全日休息
星期五至日
11:30 - 16:00
18:00 - 21:00
以上资料只供参考，请与餐厅确认详情
三台八座嘅食物新鲜制造好好味, 我食过猪扒饭，猪扒大过我个手掌，表皮炸得十分香脆，入面都仲有好多嘅肉汁，而且如果唔够饭，个老板好好人会过嚟问你食得够唔够，可以加饭, 有一次我想试少少薯菜佢都肯加俾我, 尼啲人情味爆灯嘅小店真系买少见少。
继续阅读
比五星个啲人平时应该系食开屎，痴线80蚊一个餐食埋啲野劣过双𩠌饭。一坐低上个忌廉栗米汤沟水沟左起埋五、六罐沟到变透明，听到隔离台啲女仔都一路食一路怨就知奶野。个盐烧三文鱼饭都唔知咩黎，卖相极颓，啲鱼肉又干又硬敲落去有声既。伴碟竟然系滚水滚生菜，差在未落蚝油。香煎美国牛仔骨伴薯菜上左碟炸到过哂火既薯条，牛仔骨好靭劲难咬得落都算，一咬落去一大pat油代替肉汁涌出，好似直接饮油咁，食完只碟仲有成匙油。饮完油就想饮佢啲咖啡浪口啦，点知比个两包啡糖都受潮劲湿结到一旧旧响个纸包入面倒唔落，就咁饮啲咖啡难饮到爆，上面仲浮起好多唔知系奶放得太耐定奶精既漂浮物。比五星话好食个班嫌钱多建议以后入酒店厕格食饭算啦，下下都人情味比五是咁唔使食饭食人情味饱啦。暂时试过个区最伏就系呢间骑呢野，汤饭餐饮连包糖都无样掂！
继续阅读
晚餐唔想自己煮就落街食之前都嚟过呢一间家庭式餐厅因为好有人情味同埋食物都好高质🤗所以我哋间唔中都会再嚟帮衬😄.点全日餐都会附送汤、前菜同饮品 真系好抵食🤩我哋今日拣咗白汤即系粟米汤前菜亦都好丰富 有一块鱼饼同埋溏心蛋🥚而且仲附送饭后甜品 .🌟日式吉列鸡扒配薯菜 ($62)见到老板帮我地落完单之后即刻炸 所以上枱系热辣辣脆卜卜而且鸡扒仲好大块 就连点嘅酱汁都附上两款任君选择😙比起千岛酱我更加钟意佢嘅蒜蓉汁.🌟香煎日式照烧鸡扒配意粉 ($54)照烧鸡扒煎得好香 鸡肉都好Juicy而且最钟意佢嘅意粉用咗蕃茄酱煮 一啲都唔马虎🍝仲有附上生菜 保证菜式营养均衡.老板好好咁问我地需唔需要多饭少饭有咩需要同老板倾完佢都会尽力去做咁难得嘅人情味小店真系想多多支持佢哋🥰
继续阅读
疫情之前都经常同一大班同学一齐黎呢度食lunch，学生有优惠，食物又唔贵、选择多，味道真心唔错，食得饱，而且老板好好态度，系一间有人情味、食物又高水准嘅诚意小店！
继续阅读
其实依间小店好几年前已经试食过，咁岩向附近做野，就再去一次，幸好仍在。可能过左午饭时间，客人唔多，最后仲得返我一枱客。同老板倾计，虽然生意难做左，但仍然乐观面对。感觉好似入左《深夜食堂》咁。环境方面，地方企理干净，客中可留名或do code。食物同之前一样，无味精而且多蔬菜既罗宋汤。主菜同配菜都好有份量，而且难得仲有糖心蛋同鱼饼成间铺得两位老友记一脚踢，老板仲开玩笑，向我睇餐牌个时话炆牛腩同牛舌卖晒，你想食一系坐多阵，而家炆紧，今晚有得食，放心啦个餐系全日供应。虽然整体味道尚可，就普普通通既街坊饭堂咁，但就感觉多左份小店既人情味。希望下次仲可以继续食到。
继续阅读