后園

营业中

休息中

后園位於充滿歷史氣息既𝟏𝟖𝟖𝟏主樓，環境幽靜，古色古香，而且價錢亦唔算太貴，幾值得帶屋企人過黎食。———————————————————煎釀虎皮尖椒 $𝟏𝟑𝟖本來以為只係個平平無奇既前菜，但釀魚肉出奇地彈牙，漲卜卜，魚肉味好重，不過尖椒味就唔太明顯。-蟹醬海鮮粉絲煲 $𝟐𝟎𝟖蟹粉味極濃，配粉絲掛哂汁勁惹味，不過粉絲多到成碗麵咁，食完勁飽肚。-酸菜桂花魚 小 $𝟒𝟒𝟖有三種食法揀，水煮、酸菜𝐨𝐫青椒，桂花魚軟嫩彈滑，啖啖肉唔會成口骨，酸菜湯微辣，酸爽清新，帶淡淡麻油香，要讚下湯頭唔會有層油，即使飲都唔怕。屋企人超中意呢道菜♡-無花果咕嚕黑豚肉 $𝟏𝟗𝟖咕嚕肉炸得酥脆，外脆內軟，無花果既酸甜比較清甜，無一般既咁酸。-𝐗𝐎醬帶子炒蘆筍 $𝟐𝟗𝟖蘆筍鮮甜脆爽，帶子炒得岩岩好，入面仲帶住微微溏心，唔錯。-龍皇棉花泡飯 $𝟑𝟑𝟖 屋企人食親中菜都一定會叫龍皇泡飯，今次都不例外。面層既波波其實係炸蛋白黎，幾特別但有少少油溢味。泡飯夾雜唔少龍蝦粒同帶子，雖然龍蝦味都幾濃但嫌略脆米口感唔夠香脆。