影片
更多
2022-09-30
33 浏览
宴•鐵板燒Lunch Special Menu價錢💲: $398+1好味程度😋: 4.3/5服務🍴: 5/5環境🗾: 4.3/5性價比🥢: 5/5!回頭率😚: 3.7/5-之前見佢新開的時候，做緊推廣優惠，大概$400就食到9道菜的鐵板燒。呢個價錢咁抵食，即刻book枱帶屋企人去試下！餐廳位於24樓，景觀好開揚，可以走出個露台仔睇下風景，望到維園銅鑼灣避風塘一帶。店員仲會主動問你洗唔洗幫你地影相📸️ 廚師即席係面前燒就好似睇表演咁，呢餐好滿足！-✅季節刺身。深海池魚，質感爽脆啲，有輕微的魚油香😝醬油漬赤身刺身，食到更重魚瘦肉味同埋冇咁肥膩的。-✅精選壽司2件。特別的三鬚魚，肉質一絲絲，晶瑩通透。第二款真鯛魚，加白松露油同淡雪鹽，入口先食到散發出來的松露味，其次就係鯛魚的鮮味😉-✅✅香煎鵝肝伴藍莓醬。用法國靚鵝肝，食落一d臊味都無🤩 平時好多都好大陣臊味…呢個原材料已經出色！薄薄一層粉煎到外層脆脆，入面保持鵝肝的軟綿嫩滑😋 底下脆脆的多士吸曬鵝肝滴出來的精華，加🫐醬酸甜，同鵝肝好夾。-✅✅野生大虎蝦。蝦好大隻，師傅已經起好晒肉☺️簡單燒到小小捲起+鹽、味淋等調味，食到蝦的鮮香味。肉質超爽彈紮
Lunch Special Menu
價錢💲: $398+1
好味程度😋: 4.3/5
服務🍴: 5/5
環境🗾: 4.3/5
性價比🥢: 5/5!
回頭率😚: 3.7/5
-
之前見佢新開的時候，做緊推廣優惠，大概$400就食到9道菜的鐵板燒。呢個價錢咁抵食，即刻book枱帶屋企人去試下！餐廳位於24樓，景觀好開揚，可以走出個露台仔睇下風景，望到維園銅鑼灣避風塘一帶。店員仲會主動問你洗唔洗幫你地影相📸️ 廚師即席係面前燒就好似睇表演咁，呢餐好滿足！
-
✅季節刺身。深海池魚，質感爽脆啲，有輕微的魚油香😝醬油漬赤身刺身，食到更重魚瘦肉味同埋冇咁肥膩的。
-
✅精選壽司2件。特別的三鬚魚，肉質一絲絲，晶瑩通透。第二款真鯛魚，加白松露油同淡雪鹽，入口先食到散發出來的松露味，其次就係鯛魚的鮮味😉
-
✅✅香煎鵝肝伴藍莓醬。用法國靚鵝肝，食落一d臊味都無🤩 平時好多都好大陣臊味…呢個原材料已經出色！薄薄一層粉煎到外層脆脆，入面保持鵝肝的軟綿嫩滑😋 底下脆脆的多士吸曬鵝肝滴出來的精華，加🫐醬酸甜，同鵝肝好夾。
-
✅✅野生大虎蝦。蝦好大隻，師傅已經起好晒肉☺️簡單燒到小小捲起+鹽、味淋等調味，食到蝦的鮮香味。肉質超爽彈紮實👍🏻蝦頭位好香蝦膏味。食完原味，加啲檸檬汁，最後再配海鮮汁。海鮮汁有啲茄味，特出佢的鮮甜。
-
✅✅香草牛油帆立貝。超大隻帆立貝🥹外面金黃色，入面仲生生地，軟腍鮮甜。用香草牛油帶出帶子的鮮甜，而有牛油香。灑埋蔥同菊花碎，靚晒！
-
✅米國頂級牛肉。呢個比起海鮮相對冇咁驚艷。大概5成熟的牛肉，外焦脆內嫩，仲保留小小粉紅色。食落肉感較重，唔太肥美。配埋側邊的柚子醋紫🧅同炸🧄片一齊食，味道有層次d，中和濃濃的肉味。
-
✅✅鐵板炒飯配海帶麵豉湯。炒飯加入大量雞蛋🥚，葱同櫻花蝦，超級香🤩 睇住師傅由一舊飯炒到粒粒分明，好好食！
-
✅炒雜菜。唔係好特別，不過選用芽菜、椰菜，好爽口！仲有小小🍄仔，加入d鹽已經可以帶出蔬菜的甜味。
-
✅柚子雪芭。清新的味道！係無負擔的感覺。啖啖柚子香，仲有啲柚子粒粒，酸酸甜甜，幫一餐完美的作結😆
-
呢個價錢有鐵板燒食已經好滿足！整體唔錯，特別海鮮。師傅好瞭解每種食材要燒幾耐，啱啱好，唔需要過多的調味已經出色啦。如果budget無咁多，但又想食呢到既，即管去試下！
-
同區美食🍧: #piggyfoodiein天后
张贴
