影片
更多
2023-09-11
169 浏览
餐廳：赤本山 (將軍澳)地址：將軍澳至善街3號澳南海岸SAVANNAH Place地下G07A號舖依家喺香港搵間日本餐廳食Omakase閒閒哋都過千蚊，今次就比我喺將軍澳搵到間性價比都幾高嘅Omakase餐廳——赤本山 @ankayama_hk 🍣行到去澳南海岸SAVANNAH Place地下，見到一個細細哋而別緻有神秘感嘅入口，Omakase吧枱可以坐到10個人，另外仲有幾間包廂好夠Privacy，可以比人一邊食Omakase一邊傾偈🗣，或者一家大細帶埋小朋友過嚟都得👨👩👧👦晚市餐牌有「赤」、「本」、「山」三個Omakase套餐，「赤」主打壽司有15道菜；「本」既有壽司亦有刺身同御料理，多5道菜但只喺貴$80，所以我就揀咗呢個🤪；而餐廳仲特設熱食Omakase套餐「山」，啱晒唔食得生冷嘢嘅人，夠晒貼心💕-先付-點餐無耐送上精緻木盒，打開見到4款開胃前菜：有馬山椒廣島蠔帶出微辛甘香嘅味道，再用柚子皮取代檸檬汁🍋，無咗檸檬酸唔會搶走生蠔嘅鮮味🦪；醋漬水雲加咗醋同芥末撈勻，滑溜開胃；金平牛蒡漬用油炒香，當中仲有紅蘿蔔絲，爽口甘甜；最後有青檸啫喱嘅酸香清清口腔，準備食接落嚟嘅刺身😙-刺
地址：將軍澳至善街3號澳南海岸SAVANNAH Place地下G07A號舖
依家喺香港搵間日本餐廳食Omakase閒閒哋都過千蚊，今次就比我喺將軍澳搵到間性價比都幾高嘅Omakase餐廳——赤本山 @ankayama_hk 🍣
行到去澳南海岸SAVANNAH Place地下，見到一個細細哋而別緻有神秘感嘅入口，Omakase吧枱可以坐到10個人，另外仲有幾間包廂好夠Privacy，可以比人一邊食Omakase一邊傾偈🗣，或者一家大細帶埋小朋友過嚟都得👨👩👧👦
晚市餐牌有「赤」、「本」、「山」三個Omakase套餐，「赤」主打壽司有15道菜；「本」既有壽司亦有刺身同御料理，多5道菜但只喺貴$80，所以我就揀咗呢個🤪；而餐廳仲特設熱食Omakase套餐「山」，啱晒唔食得生冷嘢嘅人，夠晒貼心💕
-先付-點餐無耐送上精緻木盒，打開見到4款開胃前菜：
有馬山椒廣島蠔帶出微辛甘香嘅味道，再用柚子皮取代檸檬汁🍋，無咗檸檬酸唔會搶走生蠔嘅鮮味🦪；
醋漬水雲加咗醋同芥末撈勻，滑溜開胃；
金平牛蒡漬用油炒香，當中仲有紅蘿蔔絲，爽口甘甜；最後有青檸啫喱嘅酸香清清口腔，準備食接落嚟嘅刺身😙-刺身四品-
✝️北海道白象拔蚌 將象拔蚌切成厚厚條狀，食落比片狀更爽口😬，用咗檸檬辟腥同岩鹽調味，突出象拔蚌嘅鮮味
✝️沙甸魚磯邊卷用紫菜包住幾塊完全去晒骨嘅沙甸魚(鰯魚)，
加入蔥花同千本漬(醃蘿蔔)增加口感⬆️，
卷埋一齊去食仲提升咗沙甸魚嘅厚度同魚油脂香
✝️三文魚籽海膽先將三文魚籽嘅筋膜去除，再用甜醬油醃製味道較偏甜，
放埋味道清新而且顆粒感鮮明嘅北海道白海膽，加上柚子皮，多重鮮味難以抵擋🤤
✝️慢煮八爪魚用咗自家調製滷水汁慢煮咗6個鐘嘅八爪魚🐙，醬汁比較濃香，以甜味為主，外層吸盤嘅煙韌配合埋內層軟腍嘅肉質，形成口感層次上嘅對比🆚
-御料理-
✝️金目鯛魚頭
師傅用咗煮過過百條金目鯛鮮魚湯去烹煮，令魚頭鮮香味更加濃郁同突出，唔洗加任何調味已經好入味，
大大個魚頭有肉食又有魚骨吮🐟，之前喺日本餐廳食過都要二百幾蚊，仲要無咁好食，真喺值回票價🤑-壽司八貫-
✝️活赤貝雖然比較淡味但口感非常爽彈，師傅以純熟嘅刀工𠝹開一條條紋理🔪，咁就更易咬開
✝️魷魚餐廳特別用咁初生魷魚取代成年魷魚🦑，口感較嫩，再以「松果造」切法切成交叉紋拎去燒🔥，除咗賣相好似箭豬之外食落更加軟綿綿🦔
✝️金目鯛用湯霜方法以滾水輕燙金目鯛♨️，做成外熟內生嘅效果鎖緊鮮味，炙燒過又能逼出魚油，令魚脂鮮香顯得特別出色😋
✝️中拖羅半紅半粉紅嘅中拖羅，入口半即溶而無筋，油份適中帶出令人回味嘅吞拿魚香味🤩
✝️關鯖大分縣佐賀關嘅鯖魚，因為當地水流較急以致鯖魚肌肉比一般鯖魚發達，入口魚質滑身同實淨，幾有驚喜🎊
✝️池魚他他將池魚切碎加入薑蔥、豉油同芝麻，所有食材嘅味道撈勻食落比較融洽細膩😌
✝️甜蝦他他將甜蝦碎切成他他🦐，口感似足蝦膠蝦滑，加上紫蘇花點綴色彩🌸，仲添加咗陣陣清新花香🌺
✝️馬糞海膽嚟自平川水產嘅馬糞海膽，
肥美鮮甜而且口感比較Creamy，連埋壽司飯同紫菜包住一啖過放入口……師傅我想要多幾件😍
-卷物-✝️干飄卷
醃製過嘅日本葫蘆瓜日曬成為「干飄」，亦喺我哋成日喺太卷見到嘅其中一款食材，今次由配角變成主角，簡單得嚟又幾爽脆好味⭐️
-吸物-✝️豚骨湯
比起魚湯或者麵豉湯，豚骨湯都真喺食咁多次Omakase第一次見😳。聞落有濃烈豬骨膉味，不過加咗水草同紫洋蔥，飲落無咁油膩仲有辟腥作用，豚骨香幾重🐖，鍾唔鍾意就見人見智🤓
-甜品-✝️宇治抹茶奶凍
將宇治抹茶奶凍整成最少嘅甜度，
用紅豆嘅鮮甜去補足抹茶鮮香🍵，仲有少少食用花帶嚟清新氣息🌼，完美作結
张贴
