牛極 (大河道) (已結業)

呢度首先要去自助點餐機度買嘢食，有啲似日本食拉麵咁樣，之後再安排座位!! 價錢已經包括沙律，湯同埋飯，菜係沙律菜自己加醬汁，攞咗超大碗菜，啲菜新鮮爽口!! 好快石燒牛就嚟啦，牛肩排180g($80g)，上枱嘅時候係一成熟，建議食法係將牛扒切成細塊喺個熱石上面燒，呢隻牛有牛味食落肉質都算柔軟!! 枱面上仲有幾款鹽嘅選擇另外仲order左牛柳200g($110)，呢款牛更加好食，比起牛肩再柔軟一啲，喺街買生嘅牛扒都差唔多價錢，但呢度唔使煮又唔使洗非常好，呢排都想減少食碳水化合物，呢度可以食沙律加牛扒啱晒我!!