牛匠石燒 (已結業)

早幾日喺尖沙咀行街，行到咁上下就搵嘢食，就搵到一間位於金馬倫道嘅燒肉。佢哋嘅燒肉係用石燒，上面鋪一層牛油紙，燒嘅時候唔會咁容易燶👍🏻我哋嗌咗個安格斯小牛排，厚薄適中，肉質都唔錯，幾好味😋另外見有個好少見到嘅雞頸肉，肉質鮮嫩，值得推介。另外嗌咗燒原隻日本魷魚，魷魚質地爽口彈牙，同埋嗌咗出名嘅明太子玉子燒，明太子同玉子燒好夾，食完好想嗌多一份🙈最後嗌咗個烏冬同個溫泉蛋味素飯，將溫泉蛋，撈埋啲飯食，正🥰另外嘢飲，我哋嗌咗彩虹水果茶，水果茶裏便好多唔同類型嘅生果，仲要好大杯😝草莓乳酸唔係就咁溝啲草莓味，佢裏面真係有草莓🥳最後食完大滿足😍