日本野 (已結業)

上個星期去咗旺角銀城廣場食「日本野」，估唔到呢度原來有咁好嘅餐廳，真心性價比高好抵食！一嚟到見到幾乎個個都食緊霜降牛肉石燒，所以決定跟風，等咗一陣之後食物上枱啦！見到牛肉嘅質素好高，油花好靚又肥瘦均勻，石燒最大嘅好處就係可以自己調節到想要幾熟，秘製燒汁好好味，仲可以加蒜蓉、鹽同埋芥茉醬，霜降牛肉入口即溶，牛味濃郁又juicy ！實在太好味了！仲要跟埋溫泉蛋、飯方面佢哋係採用日本米，所以特別軟熟好味、有口感！蟹子沙律咩都唔錯，餐飲我哋揀咗熱檸水！自選魚生飯都好吸引！我哋揀咗蟹子、海膽、三文魚同玻璃蝦，樣樣都好新鮮，飯嘅份量亦都剛剛好！仲有空間可以試多啲食物！由於好耐冇食過串燒嘅關係所以又叫咗少少試下！串燒牛脷好有彈性又多汁！好味呀！串燒雞腎比較乾身咗少少🤏最後整返杯cocktail，揀咗從來未飲過嘅長島冰茶，原來係可樂味，酒味唔算重，容易入口，正！