十和田總本店

营业中

休息中

去尖沙咀性价比甚高的「十和田总本店」午膳，香港人收饮食咨询的速度真系快，初开张时冇乜人，但今次下午两点二去到，都要轮候近25分钟才有座位。点菜用iPad，店员简介操作方法后便自己动手order，幸好操作都算简易。枱面上有绿茶粉自助冲用，质素又比想像中好㖞。叫个$98的午市寿司定食（十贯）（听闻呢个价钱做到八月底），讲得做十贯，即系有十件，款式则随当天货源而略有变化，好像今天便没有海胆了。一上枱，看见十件寿司中有我唔太like的蟹柳（应是取代玉子），真系打了个突。幸好，余下九件质素都唔错，尤其是那个加入蟹羔的蟹肉军舰，十分鲜美。另外，甜虾寿司大大件，最惊喜是那件用火鎗烧过，我怀疑是左口鱼的白色鱼寿司，入口带油香，而且软绵绵的感觉太美妙了。虽然呢个寿司set的海鲜非一级货，但质素也非乱来，呢个价钱计埋加一都只系一百零几蚊，真的算抵食。何况，这个套餐更包茶碗蒸及味噌汤。叫多个香葱吞拿鱼腩丼，更是喜出望外。吞拿鱼腩蓉十分新鲜，师傅切功亦恰当，鱼蓉中亦幼中有粗粒，够口感，配埋香葱、白芝麻，以紫菜为间隔，铺在酸度及软硬度刚好的寿司饭上，十分正斗！