一鍋堂 (新都會廣場)

营业中

休息中

Item: 一鍋堂 (新都會廣場)
Rating: 4
Author: smiledorothy

E Pot (Metroplaza)

4.5

685 食记

味道

环境

服务

卫生

抵食

17915

葵芳

$101-200

港式火锅

588

smiledorothy

等级3

等咗三個月終於放寬晚市堂食, 一定要去食等咗好耐嘅火鍋放題, 一鍋堂一定係我最想去嘅第一個火鍋放題。我哋去咗葵芳新都會廣場嘅一鍋堂食七點前結賬嘅時段, 5點前去到已經見到非常長嘅人龍等緊排隊入去。不過餐廳安排人龍一group group咁入去, 大概15分鐘內就可以入到去。首先我哋入去前揀咗個佢地推介既胡椒豬肚湯底, 佢哋總共有16個湯底任君選擇, 而我個湯底胡椒同豬肚湯料好多而且個湯吾錯好入味。由於太多人同時用電話點菜落單嘅關係所以有啲死機, 咁我地飲咗一啖湯就先出去行吓睇吓有乜熟食同小食先。出到去行咗一圈都已經嚇親, 因為出邊已經有好多熟食同冷盤小食又有好多打邊爐嘅材料又有超多嘅蔬菜選擇同10幾款嘅飲品而且仲有茶咖啡同雪糕。佢哋仲有幾款自家泡製嘅茶, 真係幾有心。而我覺得熟食真係要試台灣麻辣鴨血蘿蔔豆腐, 台灣滷肉同埋炒飯真係好味有誠意。之後我地用電話落單, 估吾到電話menu仍然仲有超多選擇。佢地大約10分鐘後所有嘢就已經送到嚟真係快靚正嘅服務。我哋個餐係B餐點咗雞件, 雞柳, 牛肉, 豬肉同羊肉全部肉質素都唔錯而且手打丸類都超多選擇, 佢哋仲有海鮮蜆係大粒冇沙食落新鮮同埋長蟹柳

等咗三個月終於放寬晚市堂食, 一定要去食等咗好耐嘅火鍋放題, 一鍋堂一定係我最想去嘅第一個火鍋放題。
我哋去咗葵芳新都會廣場嘅一鍋堂食七點前結賬嘅時段, 5點前去到已經見到非常長嘅人龍等緊排隊入去。不過餐廳安排人龍一group group咁入去, 大概15分鐘內就可以入到去。
首先我哋入去前揀咗個佢地推介既胡椒豬肚湯底, 佢哋總共有16個湯底任君選擇, 而我個湯底胡椒同豬肚湯料好多而且個湯吾錯好入味。由於太多人同時用電話點菜落單嘅關係所以有啲死機, 咁我地飲咗一啖湯就先出去行吓睇吓有乜熟食同小食先。
出到去行咗一圈都已經嚇親, 因為出邊已經有好多熟食同冷盤小食又有好多打邊爐嘅材料又有超多嘅蔬菜選擇同10幾款嘅飲品而且仲有茶咖啡同雪糕。佢哋仲有幾款自家泡製嘅茶, 真係幾有心。而我覺得熟食真係要試台灣麻辣鴨血蘿蔔豆腐, 台灣滷肉同埋炒飯真係好味有誠意。
之後我地用電話落單, 估吾到電話menu仍然仲有超多選擇。佢地大約10分鐘後所有嘢就已經送到嚟真係快靚正嘅服務。
我哋個餐係B餐點咗雞件, 雞柳, 牛肉, 豬肉同羊肉全部肉質素都唔錯而且手打丸類都超多選擇, 佢哋仲有海鮮蜆係大粒冇沙食落新鮮同埋長蟹柳, 魷魚同魚每樣叫咗一份試吓都吾錯, 仲有好多質素唔錯嘅打邊爐材料, 個湯底本身多料真係120分鐘唔夠食, 佢哋實在太多嘢食而且質素又高。論到服務方面都唔錯, 不時會有人過嚟望吓睇吓使唔使收下碟。今次真係食飽咗我呢三個月來成日諗住去嘅火鍋放題, 佢七點前買單都係200幾十蚊有魚有肉有海鮮有熟食有小食, 性價比真係超高。