伊賀日本燒肉料理 (已結業)

閨蜜生日話要食日本野，做左少少research結果揀左呢間試試，主要係見佢啲食評都幾好，同埋地點方便喺尖沙咀同灣仔返工嘅各位。環境: 座位基本上都係卡位設計，有一個吧枱area，同埋幾枱喺户外範圍，如果天氣冇咁熱坐户外位應該都幾正。而我地被安排嘅卡位已經有兩個爐，四個人可以輕鬆慢慢燒，唔使爭位哈哈。刺身: 黎到至知原來會送一個活魚刺身，佢係原條魚上，而條魚上枱時仲好生猛喺度彈下彈下(膽少者勿試😝)，真係即劏即食，應該都算係我食過最新鮮嘅魚生。結果個味道都冇我地失望，肉質爽爽的，而亦幾鮮甜，完全唔腥，新鮮食材真係最簡單嘅整法都已經好好食。另外佢仲送左一架好大嘅刺身船，上面有一啲menu上面本身已經有嘅野，好似三文魚、八爪魚、螺、玉子燒呢啲都有，跟住仲有板好甜嘅海膽。之後落單我地就補左啲甜蝦同帶子等，都幾ok。燒物、海鮮: 肉類都醃得好入味，但又冇蓋過肉本身啲味，我地主要叫左牛小排、紅酒洋蔥豚肉同埋伯爵茶漬羊肉(呢個幾特別可以試下)。海鮮就叫左燒蠔(好正)、虎蝦 、青口、魷魚、帆立貝呢啲，整體都有質素，冇因為放題就將貨就價。小食、野菜: 叫左沙律、牛油粟米、金菇、秋葵、南瓜、冬茹呢啲輕食，