MEMOIR (已結業)

今日同朋友上山頂行山，去銅鑼灣搵好野食先。登龍街樓上鋪都多左好多餐廳，上網搵到間cafe 裝修都好特別，靜靜地又好舒服。😋周打蜆肉忌廉湯 （跟餐）lunch set可以揀西湯或沙律前菜，我同朋友都揀左今日既周打蜆忌廉湯。好足料呀，味道都唔似一般罐頭湯，忌廉同水既比例好岩。最緊要有好多粒蜆肉同薯仔雜菜粒，好味。😋香煎澳洲10oz肉眼扒配韓式燒肉汁 $198有牛就一定會試啦，10oz都算多，大大塊仲要都幾厚。我食開五成熟，熟度岩岩好，唔會比多。最怕叫五成黎左七成。牛扒juicy 好淋，配上薯條同沙律菜，夠晒飽。好抵食。😋香煎厚切豬扒配薯蓉 $158薯蓉有好多，仲有少少菠菜伴碟，配菜都算多。主角豬扒係厚切好大塊，同牛扒一樣好juicy同淋身。啖啖肉，美味。😋炸洋蔥圈 $38洋蔥圈配上沙律醬好夾，炸漿唔會太多搶左洋蔥既味道。😋水牛城雞翼 $68平時食開既水牛城雞翼會有好多醬係面，但哩度既雞翼就唔算太多醬，我比較喜歡。炸漿唔會太多。😋熱抹茶 （跟餐）本來想像抹茶係平時飲開日本果隻有奶既抹茶，但原來係日本食壽司果隻冇奶既抹茶，岩晒唔飲得奶既朋友仔，清淡一點。同朋友舒舒服服食個簡單lunch，哩度都