老鍋台式火鍋 (金馬倫道) (已結業)

打邊爐黎講，除左大家都熟既港式邊爐外，仲有呢個台式邊爐，個人覺得都幾唔錯，比多人選擇，又可以食下唔同野。港式同台式，我2覺得最大分別係佢個湯底，台式個湯底complex好多，配料好足，唔似港式咁，打個純正老火湯底，但各有各好喇。呢間邊爐湯底都有6，7種擇，迎合曬唔同口味既朋友。今次我就擇左個白肉酸菜鍋，白肉份量都唔少，呢個湯底真係唔係成日打，但試落又幾okay，酸酸甜甜咁，對於此配合餃子類，肉丸類食物，我就覺得最岩，因為呢d本身已經有味，湯底可以幫呢d食物提到鮮既作用。但配合d raw meat，如肥牛，魚片，海鮮之類，就反而無咁出色，因為會蓋過左本身肉既鮮甜味。臭豆腐，台式既雖然唔夠臭，但香味同酥味就好出色喇！！！