影片
更多
2022-09-24
422 浏览
餐廳：柚子茶室 (旺角)地址：旺角棕樹街2-20號榮富苑地下1A號舖由大角咀行到去旺角其實有好多細鋪仔，當中有唔少小店值得大家嚟發掘一吓，今次就等我介紹吓棕樹街呢間開咗唔夠一個月嘅柚子茶室🍴有名比你叫——柚子茶室，相信呢間港式茶餐廳一定同柚子有啲關係🍐，原來老闆自創咗一啲用柚子做配搭嘅特色小菜、特飲；而另一方面，雞亦都喺餐廳嘅招牌🐔，藥膳雞、瑤柱雞、話梅醉雞、海南雞，佢哋嘅雞隻全部喺人手處理、自家調味，唔加任何味精、防腐劑，而且佢哋嘅食物味道唔會太濃，因為想整多啲煮家菜同相對健康嘅食物比附近嘅街坊、打工仔、學生哥💕餐廳唔算大，但喺短短半個月就吸引咗唔少人嚟食飯，仲已經有一班熟客仔喺餐廳打躉😼，再睇一睇餐牌，原來一個雞飯最貴都喺$62，仲有唔同款式嘅沙律🥗、咖喱🍛、米線🍜、小食俾你揀，價錢真喺相當實惠，不過唔知味道同埋份量又點呢😗✝️瑤柱貴妃雞(半隻) $98叫咗半隻餐廳自己醃製嘅瑤柱貴妃雞，上枱嗰陣我以為落錯單，因為份量真係勁多，我以為俾咗一隻雞嘅份量🤣。問真啲店員，原來佢哋嘅貴妃雞全部都喺揀差唔多大細嘅，細隻嗰啲全部唔要，仲要食落雞肉嫩滑一啲都唔嚡👍，有陣陣瑤柱濃汁嘅香味，難怪店員話唔
地址：旺角棕樹街2-20號榮富苑地下1A號舖
由大角咀行到去旺角其實有好多細鋪仔，當中有唔少小店值得大家嚟發掘一吓，今次就等我介紹吓棕樹街呢間開咗唔夠一個月嘅柚子茶室🍴
有名比你叫——柚子茶室，相信呢間港式茶餐廳一定同柚子有啲關係🍐，原來老闆自創咗一啲用柚子做配搭嘅特色小菜、特飲；而另一方面，雞亦都喺餐廳嘅招牌🐔，藥膳雞、瑤柱雞、話梅醉雞、海南雞，佢哋嘅雞隻全部喺人手處理、自家調味，唔加任何味精、防腐劑，而且佢哋嘅食物味道唔會太濃，因為想整多啲煮家菜同相對健康嘅食物比附近嘅街坊、打工仔、學生哥💕
餐廳唔算大，但喺短短半個月就吸引咗唔少人嚟食飯，仲已經有一班熟客仔喺餐廳打躉😼，再睇一睇餐牌，原來一個雞飯最貴都喺$62，仲有唔同款式嘅沙律🥗、咖喱🍛、米線🍜、小食俾你揀，價錢真喺相當實惠，不過唔知味道同埋份量又點呢😗
✝️瑤柱貴妃雞(半隻) $98
叫咗半隻餐廳自己醃製嘅瑤柱貴妃雞，上枱嗰陣我以為落錯單，因為份量真係勁多，我以為俾咗一隻雞嘅份量🤣。
問真啲店員，原來佢哋嘅貴妃雞全部都喺揀差唔多大細嘅，細隻嗰啲全部唔要，仲要食落雞肉嫩滑一啲都唔嚡👍，有陣陣瑤柱濃汁嘅香味，難怪店員話唔少人都會一隻雞一隻雞咁買走🐓
✝️滷水豬手(半隻) $58
平時出面食應該要成百蚊，呢度半隻大豬手嘅份量都喺$58，餐廳用咗自己調味嘅滷水汁醃製呢隻豬手🐷，
豬手嘅皮、筋同肉比例非常好，炆得好腍好入味，咬落唔會好韌，豬手肉仲唔會嚡熠熠或者痴牙，最重要滷水汁唔會好鹹好濃味，仲有易入口嘅藥材香同果香，底層仲有酸菜做配料，認真抵食👏
✝️燒豬頸肉木瓜沙律 $56
勁大兜嘅木瓜沙律🥗，除咗有豐富嘅木瓜絲之外，底層有唔少沙律菜，呢座沙律山周圍鋪咗十塊八塊皮脆肉爽嫩嘅燒豬頸肉，
一咬就食得出豬頸肉口感上嘅層次，喺即叫即燒嘅味道🔥，絕對唔馬虎😎，蘸埋餐廳自製嘅香辣汁一齊食就更加惹味
✝️雞湯灼娃娃菜 $23
用鮮雞去煲嘅杞子高湯去灼娃娃菜，平時出面食好多咁樣嘅菜一嚟好貴，二嚟好重味精味，呢度完全唔使擔心有呢個問題😝，個湯真喺鮮甜到我忍唔住就咁飲咗兩啖🤣
喺餐廳叫雞飯會送椰子雞湯(原價$20)，裏面有足料雞件、雞腳、椰子🥥，清甜又滋潤，叫主食加$9仲可以配埋養生特飲，
我叫咗個去濕清熱嘅柚子薏米水(原價$21)，清香得嚟唔會好甜，夏天飲消暑一流😌
张贴
