影片
以上资料只供参考，请与餐厅确认详情
话说去朋友屋企，咁啱佢食紧外卖，小熊猫闻到好香，忍唔住问佢喺边度叫嘅然后佢就推荐咗呢间专做鸡嘅餐厅俾我～ 🐔餐厅扬言自己做鸡做咗30年，而且专做鸡，闻到咁香都嗌返碗食吓先～🐔 药膳鸡汤米线汤同鸡米线系分开送过嚟嘅～ 我冇加钱，但佢有比鸡髀我，而且鸡肉都好多啊，鸡肉好入味，忍唔住连埋皮食～ 药膳汤底的确好浓药膳味，虽然有啲鸡油喺度，知道有啲肥，但都忍唔住饮咗几啖汤仔
继续阅读
海南鸡同炸云吞都好好食肉碎都几好食药膳鸡汤好饮 饮完唔会口干奶茶冻柠茶𠮶啲嘢饮正正常常米线都几好食海南鸡同埋炸云吞，真系一定要试整体环境都干净企理舒服呢间嘢真系好食
继续阅读
最钟意帮衬小店，喜欢平民化同街坊生意果种亲切感。今次特登去咗大角咀呢间隐世餐厅食晚饭。７点去到，已经坐满人要搭枱。两个人叫咗两个餐。咖喱厚切猪扒饭 $61：超多咖喱汁，系屋企煮果种咖喱嘅风味，斋用D汁嚟𩠌饭都可以食晒成碟。猪扒好食，又淋又juicy，赞。秘制无骨海南鸡油饭 $65：好幸运地喺无加价嘅情况下畀咗鸡脾我。鸡好嫰，已去骨，啖啖肉。系正宗嘅海南鸡，冻上，系似啱啱喺雪柜拎出嚟果种温度。捞埋热辣辣嘅油饭食，温度变得啱啱好。油饭够香，唔会太油太滞。值得一提嘅系，佢碟三色酱少咗黑酱油，但做咗酸萝卜嚟取代。例汤：超好饮。是日葛汤，好甜好好味。估计系零味精同劲足料！呢间餐厅性价比超高，有饭有汤有野饮，两人埋单都系 $126，用心之作，值得一试。
继续阅读
「唔准谂，即刻答！鸡、牛、猪、鸡、鸭、鱼、鸡，你最钟意食边只肉呢？」点解你个问题，鸡会重覆又重覆呢？因为我真系好钟意食鸡呢！如果你同我一样都系钟意食鸡，就唔可以错过位于大角咀嘅柚子茶室。柚子茶室系一间人情味小店，从招牌上面既图案，就知道柚子茶室嘅名物就系又香又滑嘅鸡喇！椰子鸡汤餐厅每日都会提供几款唔同嘅炖汤，既然柚子茶室嘅名物系鸡，当然就要拣椰子鸡汤啦！椰子鸡汤非常足料，汤底闻落带有淡淡嘅椰香，味道方面非常浓郁，椰子同鸡嘅味道清香，充满层次，重点系一啲都唔油。秘制无骨海南鸡油饭嚟到柚子茶室当然要试吓呢度最出名嘅海南鸡！海南鸡一上枱，最吸晴当然系鸡皮下面𠮶层浓浓骨胶原嘅啫喱，虽然邪恶，但绝对系海南鸡嘅精粹。鸡肉非常嫩滑，肉味香浓，当然最正系又香又滑嘅鸡皮啦。加上绝配嘅油饭，绝对系perfect match！花胶胡椒猪肚鸡汤米线米线汤底除咗鸡香味之外，仲带有淡淡嘅胡椒味道，店家仲加咗姜丝，但味道唔算辛辣， 十分暖胃。花胶同猪肚嘅数量亦都唔少，真系好抵食呀！至于鸡肉嚟讲，我都系钟意海南鸡多啲。
继续阅读
有次系旺角与大角咀之间既晏架街足球场踢波，见到有间柚子茶室就入去医下肚，menu多款式有茶餐，鸡饭，汤等等！几地道价钱唔贵，而且份量十足！咸牛肉滑蛋三文治，见到图都知几厚身，有2寸几厚，滑蛋嫩嫩唔干身，咸牛肉咸香惹味，虽然唔记得叫烘底，但面包都好软熟！加埋牛油香，好滋味！呢个size大得令我惊讶！滋味生菜包，猪肉碎卤得入味，再配大量配料放在生菜上边食，清爽香脆，入味得黎又够清新。份量又系大大碟！值得叫几入味。配埋个莲藕汤，够热辣辣好暖胃，而且餐厅讲明无味精！非常健康既滋润汤水。无骨海南鸡饭拼猪手，海南鸡滑滑嫩嫩够多肉，口感好正，带jelly状既鸡皮爽脆，鸡肉肥美再配酱汁食更有风味！猪手亦都几入味，多肉无渣够香口，送饭一流。胡椒猪肚花胶鸡汤，汤头够热够浓，饮落阵阵胡椒香味渗出几滋补！花胶质感爽弹，猪肚带咬口烟韧！鸡件亦都相当足料，整体滋润足料够抵食。
继续阅读