影片
更多
2025-05-21
1379 浏览
同朋友慶祝生日，揀咗大瀛喜食放題，見佢價錢唔太貴，諗住唔會太多食物可以選擇，點知款式之多，係冇可能做到每款叫一件去試，而且飲品種類亦都好多，荼、汽水、幾款啤酒、清酒、梅酒、咖啡等都係任飲。刺身嘅款式唔係話非常多，但勝在都新鮮，同唔會切得太細件，只係帶子一開二感覺寒酸啲。鮑魚係正常發揮，食一隻就夠，反而鰻魚唔錯，媲美出面日式餐廳嘅水準，只係太「漏」唔可以食得太多。右邊嘅係鵝肝多士，鵝肝味道突出，入口即溶，多士亦夠脆，帶出一軟一硬嘅口感。佢呢個焗蠔勁正，夠大隻之餘加上炸蒜，口感豐富亦好鬆脆，齒頰留香。另一款嘅炸蠔，冇比較冇傷害，都係焗蠔味道出色啲，但我覺得都可以試吓。羊架煎得燶咗少少，但夠大件同肉質夠淋，亦有羊最重要嘅膻味，冇刻意掩蓋呢個香氣。一口嘅海膽手卷，雖然有飯會覺得好飽，但一嚐海膽嘅鮮味都唔錯。雖然佢係放題，但啲海膽都係夠新鮮，冇腥臭味。天婦羅蝦同蟹柳，size細啲，但小吃多滋味，炸粉唔厚亦夠脆。好靚嘅貓山王炸榴槤球，我只係用眼睇冇食到。烤菠蘿同樣冇食到，留番個肚食刺身同飲酒。烤榴槤聞味道已經足夠，唔使放入口，愛食榴槤可以一試。糖水揀咗楊枝甘露，味道都唔錯，正常嘢。成晚飲得最多係清
刺身嘅款式唔係話非常多，但勝在都新鮮，同唔會切得太細件，只係帶子一開二感覺寒酸啲。
鮑魚係正常發揮，食一隻就夠，反而鰻魚唔錯，媲美出面日式餐廳嘅水準，只係太「漏」唔可以食得太多。右邊嘅係鵝肝多士，鵝肝味道突出，入口即溶，多士亦夠脆，帶出一軟一硬嘅口感。
佢呢個焗蠔勁正，夠大隻之餘加上炸蒜，口感豐富亦好鬆脆，齒頰留香。
另一款嘅炸蠔，冇比較冇傷害，都係焗蠔味道出色啲，但我覺得都可以試吓。
羊架煎得燶咗少少，但夠大件同肉質夠淋，亦有羊最重要嘅膻味，冇刻意掩蓋呢個香氣。
一口嘅海膽手卷，雖然有飯會覺得好飽，但一嚐海膽嘅鮮味都唔錯。雖然佢係放題，但啲海膽都係夠新鮮，冇腥臭味。
天婦羅蝦同蟹柳，size細啲，但小吃多滋味，炸粉唔厚亦夠脆。
好靚嘅貓山王炸榴槤球，我只係用眼睇冇食到。
烤菠蘿同樣冇食到，留番個肚食刺身同飲酒。
烤榴槤聞味道已經足夠，唔使放入口，愛食榴槤可以一試。
糖水揀咗楊枝甘露，味道都唔錯，正常嘢。成晚飲得最多係清酒，絕對冇加水，我睇住佢用盒裝嘅清酒倒落汽水機度，入口唔錯，帶有啲甜香味，飲多都唔會咁易醉。
店內嘅座位比較窄，有些少逼夾，同埋地面
衛生情況都需要注意一下。
张贴
