西塔老太太烤肉拌飯 (新都城中心二期)

营业中

休息中

最近發現原來將軍澳新都城開咗間「西塔老太太烤肉拌飯」，見口碑唔錯，呢日終於有機會試吓。餐廳主打韓式燒肉，提供多款套餐，佢嘅二人餐仲做緊優惠，價錢只係$368（另收加一），入邊包咗多款食材，相當豐富。值得一讚多款肉類質素都非常高，當中包括老太太特色肥牛，肉質鮮嫩多汁，燒烤後外焦內嫩，搭配特製嘅芝麻醬料更是絕配。牛肋條肉質亦非常肥美，配合酸酸甜甜嘅鳳梨，好開胃，亦提升咗味道嘅層次感。另有秘製豬頸肉，肉質軟滑得來有咬口，好有驚喜。厚切三筋肉，肉質及口感都非常不錯。除咗牛肉同豬肉之外，仲有雞腿肉，雞肉入口嫩滑，絕對冇比下去。餐廳嘅配菜杏鮑菇、鳳梨、生菜，食材非常新鮮，配搭肉類一齊食，非常開胃。搭配可口嘅海帶湯，一解肉類嘅油膩感。套餐仲包埋甜品，係橙色嘅柿造型，入口類似雪糕糯米糍嘅感覺，感覺清新好味。餐廳環境舒適，座位闊落，店員服務殷勤，鍾意食烤肉嘅朋友，可以一試。