影片
港铁宝琳站 A2 出口, 步行约4分钟
继续阅读
电话号码
23284433
开饭介绍
主打山西风味美食，以烤肉拌饭和其他经典山西菜式吸引食客。餐厅以亲民的价格和实在的分量，让你轻松感受山西美食的独特魅力。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
有关奖赏计划
放工去食呢间位于将军澳新都城二期新开无几耐嘅烤肉店，皆因店内做紧套餐优惠价，西塔热销二人餐都只系$368(原价$568），但已经有5款烤肉食材，再加1菇1汤1甜品，肉类质素非常好，绝对性价比极高。开炉前先奉上小食前菜，有沙律菜、泡菜、腌萝卜及薯仔蓉等，够晒开胃。再来碗热腾腾的海带汤，汤底清甜不油腻，昆布极多。将他们芝麻味极香浓的秘制酱料搅拌好，就可以开始烤肉啦。老太太特色肥牛油脂极丰腴，放喺炉上火光熊熊，入口软腍兼夹多汁。香瓮凤梨牛排肉色亮丽，烧起黎肉香四溢，呢两种牛肉配搭生菜及蒜片、辣椒酱包住食，真系劲味。而果汁丰富的凤梨片经过烤制更甜香，但要注意火喉及时间以免烧浓。同样需睇实的还有烤杏鲍菇，烧到略为收缩变软即可，健康又美味。厚切三筋肉都切得几大条，它是因连住三条筋腱而得名，肉质软中带爽脆。秘制猪颈肉烧完姒后爽口弹牙，边位部分烧到少许焦脆就尤其好食。秘制鸡爽肉肉质嫩滑细致，经酱汁腌过后食起来甜甜地，香味浓郁。最后食埋好Cute的甜品喜柿多多，卖相打卡一流极有贺年feel。
继续阅读
同朋友喺深圳某个商场见到“西塔老太太”，想食时已经冇位，后来朋友话我知原来我哋香港都有嘅，所以系个好特别嘅经验，竟然系喺深圳睇到，香港食到😜上openrice睇到证实香港有2间西塔老太太，一间喺尖咀，另一间喺将军澳，呢日入将军澳做嘢，咁就顺便喺将军澳食吧，悭番车钱✌️✌️“西塔热销二人餐”，话得热销，肯定多人食，应该唔会差啩，就等我哋来试一试，个餐有“老太太特色肥牛”，“香瓮凤梨牛肋条”，“三筋肉”，“烤杏鲍菇”，“秘制猪颈肉”，“秘制鸡腿肉”，“海带汤”，甜品“喜沛多多”，可谓材料丰富，肉类多多，喜欢喜欢。特色肥牛薄切，好易烧熟，配埋特制酱汁或特制芝蔴酱，随你钟意，yammy。等待过程中，啲前菜亦可以食吓，个薯仔球零舍好味，唔知有冇得免费添加，因要留肚食主食，就冇再问。"香瓮凤梨牛肋条” ，造型特独，增加食欲，自已烧的凤梨，多汁鲜甜美味，牛肋条油脂丰腴，味道浓郁；而秘制鸡腿肉亦都好好味好滑嫩，系食材本身好，或者系我烧得好呢？两者皆有吧👍至于杏鲍菇，最初唔系太识，烧得太耐烧老咗，后尾系咁易烧一烧，就好好食啦；甜品造型似柿子，寓意“柿柿如意”，祝睇到呢篇食评嘅你，你，你，大家都事事如意吧。1
继续阅读
今日黎到宝琳新都城，呢个商场入面有好多食肆，但呢间位于二期地下中间位置好令人注目，新装修、阔大嘅门口，摆左几个抵食嘅餐牌。二人餐只需$368，连埋加一都只系$405，包左好多野食🤩 有一碟肥牛、一碟牛肋条、三筋肉、杏鲍菇、猪颈肉、海带汤、喜沛多多、鸡腿肉、白饭😎 仲有一堆沙律、蔬菜🥬🥗 真系好健康，食烧肉嘅同时又减低罪恶感😝好用心嘅位系包左好多小菜、渍物，全部经精心调味，好特别，好难喺其他餐厅食到，非常值回票价👍🏻😎牛肉油花超靓，啖啖肉好满足，仲有菠萝Refresh一下口腔🤣 多重口感体验～～杏鲍菇烧左之后都好好食😋 海带汤超多海带😳🤯 真系冇同你悭，好足料👍🏻 呢个二人餐超抵食啊🤓🔥
继续阅读
今晚去咗宝林呢间新开嘅韩式烤肉店，环境几舒服，装修有啲韩式风味，几有feel！我哋叫咗个二人餐（$368），真系食到好满足！🤤首先，个老太太特色肥牛，肥瘦比例啱啱好，肥牛入口即溶，油脂丰富，但系唔会太腻，配埋佢哋个秘制酱汁，简直系绝配！😋 凤梨牛肋条就更加特别，牛肋条嘅肉质嫩滑，带有少少嚼劲，同凤梨一齐烧，酸酸甜甜，好解腻！🍍厚切三筋肉真系几厚，但系烧完之后都唔会韧，肉汁丰富，好有口感！👍 秘制猪颈肉腌得几入味，肉质爽脆，唔会太干，烧完之后仲带少少焦香，好好味！🐷 秘制鸡腿肉都一样腌得好好，鸡肉嫩滑多汁，唔会干柴，好juicy！🐔杏鲍菇就系我哋嘅配菜，烧完之后好香，口感爽脆，吸晒啲肉汁，好滋味！🍄 海带汤就系个暖胃之选，汤底清甜，海带滑溜，饮落去好舒服，可以中和一下食肉嘅油腻感！🥣总括嚟讲，呢间烤肉店嘅肉质新鲜，腌制得宜，而且份量都几多，性价比高！服务态度都几好，环境又舒服，系同朋友聚餐嘅好选择！推介指数：⭐️⭐️⭐️⭐️
继续阅读
今天来到将军澳新都城中心的《西塔老太太烤肉拌饭》，以山西风味美食菜式为主，餐厅地方阔落，卡位坐得舒适。开始烤肉前可以品尝到几款前菜，包括沙律菜、薯蓉、酸萝卜丝等。【西塔热销二人餐】老太太特色肥牛~肥牛嘅脂肪比例较高，烧烤时份外抢火，肥美的感觉食落特别可口；香瓮凤梨肋条~利用菠萝腌制，酵素令牛肋条肉质更加松软，菠萝肉另上，烤肉配合烧菠萝令味道更上一层楼；三筋肉(厚切)~牛肉味香浓，肉质嫩滑；秘制猪颈肉~烤得香香，肉香汁多，食落口感丰富，既有嚼劲又不油腻；特味鸡腿肉~ 肉质嫩滑，鸡皮烤得香口；烤杏鲍菇~好快熟，唔需要烤太耐。海带汤~大量海带，加入蒜头好香。米饭(2份)~食烤肉最好配白饭。喜柿多多(2件)~这个甜品外皮烟烟韧韧，冻冻的，非常可爱。嚟到西塔老太太烤肉，一定有特制酱料，雪糕球般大，麻酱花生酱味道劲浓，加入葱粒更觉美味。
继续阅读