西塔老太太烤肉拌飯 (新都城中心二期)

将军澳揾食嘅朋友注意喇～ 想食高质韩式烤肉拌饭？「西塔老太太」绝对系你杯茶！我亲试完，猪颈肉同西塔特色肥牛真系要点名狂推，食过翻寻味啊！ 必食推介 1：炭烧猪颈肉（招牌之选！）爽脆弹牙唔油腻！老师傅刀工靓，切到厚度刚刚好，炭火一烧「滋滋声」香到晕～秘制酱汁腌足钟数，微甜带蒜香，咬落爆肉汁仲有焦边脆口，正到痺！配饭神队友：捞埋流心蛋+泡菜+紫菜碎，一啖饭一啖肉，满足感直冲天花板✨→ 真心话：百零蚊份量够2-3人分享，CP值爆灯！必食推介 2：西塔特色肥牛（食肉兽天堂！）油脂分布靓到好似雪花咁 师傅即场炭烤，火候控到「外焦内嫩」，入口即溶唔夸张！独门肥牛酱汁带果香，减油腻感之余仲提鲜，夹生菜包住食... 哇，升华啊！拌饭精髓所在：将烤肉连埋灵魂「韩式辣酱+麻油饭」疯狂捞匀，咸香辣三击，食到舔碗→ 贴士：转芝士瀑布饭，拉丝视觉+邪恶度Double！整体评价环境：将军澳店新装修，抽风劲唔会油烟攻身，卡位阔落坐得舒服～服务：阿姐好Nice帮手烧，唔怕自己烧㶶「猪颈肉爽脆惹味，肥牛脂香爆炸！拌饭控+烤肉迷——呢个combo你绝对忍唔到口！」…查看更多

今晚同朋友去咗呢间 西塔老太太 试吓佢个二人餐，估唔到又几有惊喜，个套餐劲多嘢食，两个人食到超饱。必赞系佢嘅肉类，样样都腌得好够味且好好味。首先「特色肥牛」真系名不虚传，油脂分布靓，肥瘦均匀，入口又嫩又香，好正。「香飨凤梨牛肋条」好有创意，牛肋条本身好有嚼劲，凤梨嘅甜味同佢几夹，加上两者一齐烤，多咗份果香，解腻又开胃。「三筋肉」厚切够嚼劲，肉味浓郁，越嚼越香。「秘制猪颈肉」好有嚼头，咬落去好有弹性，啱哂钟意有咬口嘅人。「鸡腿肉」非常嫩滑，点埋佢地自家嘅秘制酱汁，更加惹味，𩠌饭一流！除咗肉，个「烤杏鲍菇」都唔错，鲜香爽嫩。「海带汤」清清地好鲜甜，饮完好舒服。甜品「喜沛多多」就更有特色，卖相好吸引，靓到有啲唔舍得食，甜甜地且咬落好软糯，口感丰富。服务员好Nice，上菜速度快，座位宽濶，性价比高，整体好满意，推介大家去试吓！…查看更多

宝琳新都城二期中庭隔篱就系呢间西塔老太太烧肉，有个热销二人餐有多款烧肉、野菜，仲有埋海带汤同甜品，原价$568 ，特价只需$368 ，感觉三人都够食🤭 而餐厅午市亦有提供$52起免加一韩式午市套餐，正宗丰俭由人我哋想食好啲就叫咗二人餐，厚切三筋肉用汁烧好香甜，质地仲好嫩滑；凤梨肋条都好出色，肉质有着劲，用凤梨果壳装住，酸酸甜甜好开胃烤肉亦配有生菜，包住食更解腻。海带汤足料大大碗咸咸地好暖胃。喜柿多多系一个柿形类似大福嘅甜品，入面系非常软滑嘅忌廉，但食落唔会太腻，大福皮烟烟韧韧，食完好圆满…查看更多

喺宝琳嘅「西塔老太太烤肉」，气氛热闹，座位多，性价比高，最啱擦餐劲😋今次食咗佢哋嘅「西塔热销二人餐」，份量啱啱好，菜式设计得好全面先讲老太太特色肥牛，油脂分布靓，落到铁网上烧嘅时候，牛油脂慢慢渗出，香气四散。入口软嫩又带少少嚼劲，沾少少酱汁已经好突出。香瓮凤梨牛肋条就更加特别，牛肋条厚身有咬口，凤梨嘅果香同酸度渗入去，令牛味更加鲜明，食落唔会觉得腻。 三筋肉（厚切）就系成餐嘅霸气之选，厚切令口感更加实在，烧完锁住肉汁，咬落去油脂香同肉香一次过爆发出嚟，好满足。秘制猪颈肉亦不容忽视，肉质弹牙，腌料带微甜同香料气息，烧到表面微焦，更加惹味。 秘制鸡腿肉亦系亮点，肉质嫩滑，吸收咗调味后烧出嚟咸香入味，食落去唔单调。 最后嘅海带汤，清爽解腻，汤底鲜甜，有效平衡咗成餐嘅油香。 「西塔老太太烤肉」食材拣得靓，味道层次丰富，无论系牛、猪定鸡，都食得出质素😋…查看更多

每人一份晚餐，牛肉新鲜而且高质，秘制酱汁惹味，食完一碗珍珠米仲有生菜送肉食，价廉物美！服务员殷勤有礼！最重要系餐厅容许外戴饮品！呢一样嘢好值得香港饮食业学习，整个用餐体验非常好。…查看更多