遇見花蓮

营业中

休息中

呢間餐廳叫遇見花蓮，個位置又咁啱喺轉角位，個名文青得嚟又有戲劇效果，店舖嘅裝修都好有心思，而且燈光充足。食物方面，樣樣都好食，價錢又實惠仲要免加一。真係好難得。士林鹽酥雞，炸到好酥脆雞肉又唔乾身，有肉汁。澎湖花枝丸，炸到金黃色，粒粒紮實彈牙，仲食到好多花枝塊。紅燒牛肉麵，麵質唔錯，牛肉軟淋入味。古早烤雙色腸，兩款腸都好好味，尤其係黑色嘅墨魚腸，完全冇腥味，口感紮實，非常香口。古早芋泥肉鬆蛋餅，綿密香甜嘅芋泥同蓬鬆鹹甜嘅肉鬆，再用蛋卷包住嚟食，層次豐富，滋味十足。仙草三色芋圓,芋圓煙韌Q彈.芋泥黑糖奶茶，有好多芋泥，奶茶口感柔和。心滿意足嘅一餐!