影片
更多
2016-04-17
687 浏览
今日約咗好友係荃灣打拳，運動完梗係饑腸轆轆，一於就放縱下自己，諗住食放題。附近大鴻輝入邊的餐廳食過幾次，見到有間新開的瀛舍，同好友都勁有興趣一試。 夜晚九點幾去到都有唔少人等，睇黎人氣幾旺。等無幾耐就到我地入場，原來入邊好大，不輸樓內幾間。 內邊有炒飯炒烏冬關東煮等熟食提供，食生野前可以打下底。 我們以壽司打底，芒果炸蝦卷唔錯。 刺身種類很多，為避免浪費，客人寫幾件就送幾件上黎。三文魚同甜蝦是好友最愛，果然無令人失望。雖然夜但食材都仲新鮮，三文魚切得好厚，啖啖肉。甜蝦都算大隻，够鮮甜彈牙。至於帶子同蠑螺相比其他就很一般。 燒物方面有驚喜，脆皮帶子酥好好食，原來帶子下層鋪滿薯蓉，配埋酥皮頗有一種high tea鹹點的感覺，而且口感飽滿。帆立貝同白汁焗蠔都ok，未够肥。 溏心蛋綿綿滑滑，口感一流。清酒煮蜆要試！好清甜，酒味適中，蜆又新鮮，食落停唔到口。 小食串燒方面，推薦牛舌！非常大塊，肉感十足，嫩中帶脆的爽口，追咗兩次。 必食蟹王粥，都算係真材實料，端上黎就見到大大隻蟹腳。口味比較清，食咗咁多heavy野飲啖粥中和下剛好。 飲品提供了不少選擇，除了常見
夜晚九點幾去到都有唔少人等，睇黎人氣幾旺。等無幾耐就到我地入場，原來入邊好大，不輸樓內幾間。
內邊有炒飯炒烏冬關東煮等熟食提供，食生野前可以打下底。
我們以壽司打底，芒果炸蝦卷唔錯。
刺身種類很多，為避免浪費，客人寫幾件就送幾件上黎。三文魚同甜蝦是好友最愛，果然無令人失望。雖然夜但食材都仲新鮮，三文魚切得好厚，啖啖肉。甜蝦都算大隻，够鮮甜彈牙。至於帶子同蠑螺相比其他就很一般。
燒物方面有驚喜，脆皮帶子酥好好食，原來帶子下層鋪滿薯蓉，配埋酥皮頗有一種high tea鹹點的感覺，而且口感飽滿。
帆立貝同白汁焗蠔都ok，未够肥。
溏心蛋綿綿滑滑，口感一流。
清酒煮蜆要試！好清甜，酒味適中，蜆又新鮮，食落停唔到口。
小食串燒方面，推薦牛舌！非常大塊，肉感十足，嫩中帶脆的爽口，追咗兩次。
必食蟹王粥，都算係真材實料，端上黎就見到大大隻蟹腳。口味比較清，食咗咁多heavy野飲啖粥中和下剛好。
飲品提供了不少選擇，除了常見的汽水啤酒之外，還有熱茶同
清酒！點都斟返杯試下
除此之外，呢間啲甜品也令人眼前一亮。品種繁多，賣相精緻，堪比酒店自助！
還可以diy鯛魚燒同心太軟，食飽郁一郁自製食物都好有趣。
新店做到咁可以話係誠意滿滿，價錢適中，非常值得^_^
张贴
