大和牛石燒專門店 (已結業)

今日放工同朋友去九龍灣行街， 路過得寶商場， 就好想食呢一間石燒。雖然作為石燒餐廳， 間舖裏面絕對冇乜油煙味， 睇黎抽風系統做得唔錯。叫咗日本大和雞上髀，200gm 都係賣68蚊， 真係性價比超高。 食落肉質鮮嫩， 同平時食開嘅無激素雞類似， 自己調味落鹽、落胡椒粉， 自由度十分高， 真係有得玩有得食。珍寶啡菇和牛漢堡， 單點68蚊， 跟餐就加十蚊。 套餐包小食同埋飲品， 我就揀咗炸魚。 和牛漢堡塊和牛好厚好大塊， 大啡菇好多汁， 整體非常juicy。