影片
更多
2024-07-15
219 浏览
前菜：沖繩水雲配松葉蟹肉，鮟鱇魚肝，黑梅貝，肝臟甘香真鯛海膽豆腐，真鯛清爽，海膽混合豆腐，甘香滑溜生日要飲番杯，用白酒杯飲 Sake更加可以聞到 Sake嘅香味笠貝，切薄片，脆身爽口，螺味鮮甜更突出日本北寄貝，上枱前大力拍打，令貝肉緊致活龍蝦刺身，魚缸即撈即劏，上枱時觸鬚仲郁緊。蝦肉爽口鮮甜，蝦味突出深海池魚壽司，配柚子皮，味道清新，魚味不太濃但爽口鮮甜赤貝壽司，師傅切工好，𠝹完花又靚又爽口金目鯛壽司配山葵莖，中和魚嘅油份，食落唔膩黑魚子醬，松葉蟹肉配蟹膏豆腐，幾樣鮮味嘅配合得很好，各種鮮味都品嚐到牡丹蝦，配上蝦頭嘅膏，鮮味倍增長埼產岩蠔，雖然唔係食生蠔最佳嘅季節，但生蠔都脹卜卜，裙邊爽脆鮮甜，一貫日本蠔嘅好味熟成鰤魚配柚子胡椒，熟成後嘅鰤魚味道更加濃郁，魚味更濃，所以配濃味嘅柚子胡椒就最適合火炙熟成油坊主壽司，比較少見嘅魚種，有啲似銀鱈魚，所以要經過火炙，逼出油分，食落更加甘香白見貝即係香港叫嘅象拔蚌，屬日本產，雖然比較細隻，但味道非常鮮甜，係貝類中嘅高級品銀鱈魚壽司加炸蒜，有啲中式feel，加炸蒜就能夠平衡咗銀鱈魚嘅油膩吞拿魚醬油漬加海膽，選用赤身部份，用醬油輕輕漬過，包住海膽同豆
前菜：沖繩水雲配松葉蟹肉，鮟鱇魚肝，黑梅貝，肝臟甘香真鯛海膽豆腐，真鯛清爽，海膽混合豆腐，甘香滑溜
生日要飲番杯，用白酒杯飲 Sake更加可以聞到 Sake嘅香味笠貝，切薄片，脆身爽口，螺味鮮甜更突出
日本北寄貝，上枱前大力拍打，令貝肉緊致
活龍蝦刺身，魚缸即撈即劏，上枱時觸鬚仲郁緊。蝦肉爽口鮮甜，蝦味突出
深海池魚壽司，配柚子皮，味道清新，魚味不太濃但爽口鮮甜赤貝壽司，師傅切工好，𠝹完花又靚又爽口
金目鯛壽司配山葵莖，中和魚嘅油份，食落唔膩
黑魚子醬，松葉蟹肉配蟹膏豆腐，幾樣鮮味嘅配合得很好，各種鮮味都品嚐到
牡丹蝦，配上蝦頭嘅膏，鮮味倍增長埼產岩蠔，雖然唔係食生蠔最佳嘅季節，但生蠔都脹卜卜，裙邊爽脆鮮甜，一貫日本蠔嘅好味
熟成鰤魚配柚子胡椒，熟成後嘅鰤魚味道更加濃郁，魚味更濃，所以配濃味嘅柚子胡椒就最適合
火炙熟成油坊主壽司，比較少見嘅魚種，有啲似銀鱈魚，所以要經過火炙，逼出油分，食落更加甘香
白見貝即係香港叫嘅象拔蚌，屬日本產，雖然比較細隻，但味道非常鮮甜，係貝類中嘅高級品銀鱈魚壽司加炸蒜，有啲中式feel，加炸蒜就能夠平衡咗銀鱈魚嘅油膩
吞拿魚醬油漬加海膽，選用赤身部份，用醬油輕輕漬過，包住海膽同豆苗食落味道複雜，又帶少少清新
原隻紫海膽配鰹魚高湯啫喱再加三文魚子，呢個簡直係無敵嘅組合，食完想即刻encore
立鱗燒，選用馬頭魚，要做到魚鱗豎直，要控制好油溫及濕度，將滾油慢慢淋上魚鱗做出呢個效果，而魚肉中間仲帶少少生，食落脆口又有魚嘅鮮味蟹膏麵豉鮑魚，南非鮑魚炆完後都好腍，用蟹膏麵豉醬提鮮，味道很配合
松葉蟹肉壽司，混合咗蟹膏，蟹肉嘅鮮味真係冇得頂，缺點係份量太少
大Toro 壽司，師傅用刀將筋輕輕切斷，食落入口即溶，回甘味好長
鱈魚乾海膽淡雪鹽，一口一啖，海膽嘅鮮味响口腔一直不散煎蛋卷，做到似布甸嘅效果，蛋味濃亦不太甜，幾好食
最後奉上用龍蝦頭熬製嘅清湯，龍蝦嘅鮮味入哂啲湯度，鮮甜無比
甜品係雪糕配靜岡縣產蜜瓜，同樣都鮮甜，非常好嘅結尾
张贴
