影片
更多
2021-11-02
945 浏览
真係好耐無係沙田區食過咁高質，性價比咁高既酒樓了，我鍾意，屋企人又鍾意！掂曬，真係回頭率好高！由於放相數量有限，門面環境都唔講太多了，如果由屯馬線石門站行過黎，大約10分鐘吧入座坐低之後，侍應會比一大煲滾水你，真係滾水黎架！因為係岩岩煲起好熱既水比你去清洗食具，係呢個疫情下，絕對加分！睇睇菜單，選擇都真係好多，不過今晚我地3個人，我就揀左d呢度獨有既菜式，亦有d係阿爸阿媽都鍾意食既！等我為大家介紹下先黎既就有呢個，已經好有睇頭，而且真係唔係間間酒樓有得食！佢係宜家酒樓做緊 抗疫震撼優惠 之一既 冰鎮花雕5頭南非鮑魚，宜家都只係做緊 $68 一隻！所以真係叫兩隻同屋企人食下！冰鎮既佢，作為頭盤真係一流，隻南非鮑魚已經切半，點少少豉油加芥辣，一啖放落口，花雕味道香濃到直達味蕾，配合芥辣既反應，令成個味道再次提升。而且冰鎮既佢真係非常鮮味，口感極爽極彈牙，真係好出色！其他既少菜分別有，金銀蛋莧菜，呢個雖然好多地方都可以食到，不過呢度除咗份量特別大份之外，味道都做得好好，大量蛋白及鹹蛋在內，湯汁夠曬清甜，莧菜煮得有口感得黎又夠林，所以係個好好味既蔬菜咕嚕肉真係唔洗多介紹了，兩個字出色！果然係呢
由於放相數量有限，門面環境都唔講太多了，如果由屯馬線石門站行過黎，大約10分鐘吧
入座坐低之後，侍應會比一大煲滾水你，真係滾水黎架！因為係岩岩煲起好熱既水比你去清洗食具，係呢個疫情下，絕對加分！
睇睇菜單，選擇都真係好多，不過今晚我地3個人，我就揀左d呢度獨有既菜式，亦有d係阿爸阿媽都鍾意食既！等我為大家介紹下
18 浏览
0 赞好
0 留言
先黎既就有呢個，已經好有睇頭，而且真係唔係間間酒樓有得食！佢係宜家酒樓做緊 抗疫震撼優惠 之一既 冰鎮花雕5頭南非鮑魚，宜家都只係做緊 $68 一隻！所以真係叫兩隻同屋企人食下！
10 浏览
0 赞好
0 留言
冰鎮既佢，作為頭盤真係一流，隻南非鮑魚已經切半，點少少豉油加芥辣，一啖放落口，花雕味道香濃到直達味蕾，配合芥辣既反應，令成個味道再次提升。而且冰鎮既佢真係非常鮮味，口感極爽極彈牙，真係好出色！
8 浏览
0 赞好
0 留言
其他既少菜分別有，金銀蛋莧菜，呢個雖然好多地方都可以食到，不過呢度除咗份量特別大份之外，味道都做得好好，大量蛋白及鹹蛋在內，湯汁夠曬清甜，莧菜煮得有口感得黎又夠林，所以係個好好味既蔬菜
18 浏览
0 赞好
0 留言
咕嚕肉真係唔洗多介紹了，兩個字出色！果然係呢度既招牌菜之一，佢份量唔算好多，但味道真係完勝！
20 浏览
0 赞好
0 留言
佢既咕嚕肉係做到外脆內軟！食落去你會感覺到入面既豬肉都係半肥瘦！成個醬汁甜酸度岩岩好，由口感到味道，以至視覺都好好，絕對推介呢個咕嚕肉比大家！
19 浏览
0 赞好
0 留言
呢個係 薑蔥龍蝦滑雞煲，佢係同頭先既金銀蛋莧菜係一個配搭黎，想食佢既原因係從未試過龍蝦同雞煲共存，重要以好惹味既薑蔥形式呈現，好似好鬼吸引！
14 浏览
0 赞好
0 留言
龍蝦 斬件呈上，下面大量滑雞，薑蔥味道進駐煲內既所有食材，龍蝦食落覺得好新鮮，好夠鮮味，肉感豐富，而且好入味，亦好Juicy ! 滑雞就真係夠曬滑，係連骨既滑雞件黎，畢竟雞煲都真係要有骨既雞件先好食既！唔錯唔錯
12 浏览
0 赞好
0 留言
呢個又係 抗疫震撼優惠 之一，佢係椰青燉花膠雞湯，我只可以講，呢個湯真係好飲到，難曬譜！只係$98嘅佢，完全真材實料，由外面嘅椰青，到入面嘅花膠，雞，完全都係真材實料，因為你一飲落去，你完全感受到呢個湯嘅鮮味，完全冇半點味精之餘，椰青嘅味道非常鮮甜，仲有雞嘅鮮味，完全成個味道停留係你口腔至喉嚨
花膠大大件，成個湯，除咗飲，仲可以食埋佢嘅材料，真係極度高質！
14 浏览
0 赞好
0 留言
由於阿爸鍾意食魚嘅關係，嚟到呢啲咁高質嘅酒樓，冇理由唔整返條魚啦，所以我哋叫咗一條清蒸生猛虎杉斑仔，約一斤嘅佢，原來都已經幾大條，最重點，都係夠新鮮！最低起碼，魚既外層並無任何損傷，酒樓蒸佢嘅時間非常適中，所以食落口，肉質非常嫩滑，加上豉油非常好味，感覺唔係一般平價嘅豉油，所以，令到成條魚嘅味道再次得以提升！
當日我係平日去，唔好以為成晚酒樓都係好似我呢幅圖咁，一個人都冇，咁你就錯啦，呢幅只係我早到，大約六點時候影嘅相，大約七點，可以講係座無虛席！呢幅圖我只係純粹俾大家睇吓，呢度除咗食物高質，環境亦都好舒適，坐得非常寬敞，所以真係非常推介大家去呢間酒樓試吓，確實性價比極高！
张贴
