影片
更多
2019-11-03
46 浏览
朋友喺觀塘返工，發現駿業街附近開左唔少新食店， 當中有一間專門食日本菜嘅料理店，有得食omakase 同鐵板燒，感覺非常吸引， 鍾意食日本嘢嘅我 即刻好想試下。一入到去環境非常別緻，好有空間感， 環境非常舒服。一坐低，店員就馬上送上綠茶 ，飲落有淡淡清香， 感覺係有用心思嘅茶，令我非常期待之後嘅食物。我哋選擇咗兩個鐵板燒套餐，價錢只係980蚊，相對坊間出面食鐵板燒嘅高級料理店，下下都需要過千蚊嚟講，呢個價錢相當抵食，性價比好高， 抵過喺將軍澳或者觀塘區內唔少嘅日本料理。先嚟嘅係日本漬物，同埋野菜沙律， 賣相非常精緻， 清甜嘅粟米，配上酸酸甜甜嘅蕃茄同野菜，味道非常清新開胃。漬物富有傳統日本嘅味道，尤其係蘿蔔， 淡淡嘅甜味， 味道唔錯。跟住出場嘅就係五點刺身， 賣相真係好吸引，擺得好靚，好似藝術品一樣，侍應介紹我哋要跟住刺身擺放嘅次序，由淡到濃味開始食。我比較鍾意食嘅就係鰹魚同埋赤貝，鰹魚帶有淡淡嘅魚香味，但又唔會太濃， 而且赤貝就好鮮好甜，好有彈性。跟住鐵板燒師傅就先處理好日本仙台大蝦，喺佢處理大蝦嘅同時，侍應就送上日本香箱蟹，等我哋一邊食一邊等住大蝦鐵板燒。香箱蟹表面用上金箔點綴，下
一入到去環境非常別緻，好有空間感， 環境非常舒服。
一坐低，店員就馬上送上綠茶 ，飲落有淡淡清香， 感覺係有用心思嘅茶，令我非常期待之後嘅食物。
我哋選擇咗兩個鐵板燒套餐，價錢只係980蚊，相對坊間出面食鐵板燒嘅高級料理店，下下都需要過千蚊嚟講，呢個價錢相當抵食，性價比好高， 抵過喺將軍澳或者觀塘區內唔少嘅日本料理。
先嚟嘅係日本漬物，同埋野菜沙律， 賣相非常精緻， 清甜嘅粟米，配上酸酸甜甜嘅蕃茄同野菜，味道非常清新開胃。
漬物富有傳統日本嘅味道，尤其係蘿蔔， 淡淡嘅甜味， 味道唔錯。
跟住出場嘅就係五點刺身， 賣相真係好吸引，擺得好靚，好似藝術品一樣，侍應介紹我哋要跟住刺身擺放嘅次序，由淡到濃味開始食。
我比較鍾意食嘅就係鰹魚同埋赤貝，鰹魚帶有淡淡嘅魚香味，但又唔會太濃， 而且赤貝就好鮮好甜，好有彈性。
跟住鐵板燒師傅就先處理好日本仙台大蝦，喺佢處理大蝦嘅同時，侍應就送上日本香箱蟹，等我哋一邊食一邊等住大蝦鐵板燒。
香箱蟹表面用上金箔點綴，下面就係蟹籽同埋蟹肉，並無太多嘅調味，但就食得出啖啖濃郁嘅蟹味同鮮甜味。
其實呢個仙台大蝦個尺寸真係非常之大，絕對超出我哋平時食到嘅大蝦嘅size，比一隻手掌仲要大， 食落啖啖都係肉，非常爽口，只見廚師用咗少少牛油同醬汁調味，就已經非常好食。
另外仲有加拿大鱈魚， 入口嫩滑，肉質結實，魚皮燒得非常香脆。
師傅喺我哋食緊嘅時候，就幫我哋準備呢個鹿兒島和牛薄燒，同埋厚燒美國牛柳， 和牛薄燒用上蔥花同胡椒調味，襯埋嫩滑多汁嘅和牛，夠曬香口惹味。
美國牛柳肉味香濃， 餘下面就放咗一塊麵包吸收油份，食落更加清爽。
侍應好快就送上味噌湯比客人清清味蕾，跟住我哋就食埋個牛肉炒飯， 牛肉炒飯炒得好乾爽，粒粒分明，牛肉粒同野菜好香口，令炒飯增加唔同層次。
最後就食埋個雪糕作結，今餐真係食得好飽好滿足，而且性價比真係好高，偶爾獎勵下自己都唔錯。
张贴
