星級餐廳 (已結業)

二人行食火鍋放題哩間餐廳係大角咀，環境幾好，有卡位，夠寬落! 餐廳主打2.5小時任食雞煲火鍋放題，價錢由二百頭到五百幾，我地就揀左B餐$298!坐低先黎一個前菜，有四款，然後再黎泰式串燒拼盤~ 店員同時幫我地落雞煲同火鍋湯底，雞煲我地揀咗小辣，火鍋湯底就揀左椰子湯同埋四川麻辣!雞煲醬汁濃郁，小辣對我地黎講岩岩好，惹味之餘，雞本身都好嫩滑，同埋份量偏多，2人食一round已經夠，當然如何唔夠都可以無限追加。值得一提係， 一張枱有兩個爐，即使只係2個人都可以同時serve 2個煲! 唔洗食完雞煲先打邊爐，哩個設計非常貼心，邊爐未滾起，都可以食住滑雞先! 要 比個讚!火鍋湯底都好快到，椰子湯好香呀! 我地個set可以任食美國choice黑安格斯牛板鍵，牛味都濃郁，不過黎到最好等一陣解凍先好放落鍋! 除左牛之外，仲有好多海鮮可以揀，吊桶同鱔片都新鮮，蝦滑夠滑!! 除左紙仔落單外，哩度仲有自助火鍋配料雪櫃，款式都多，有水魷、牛柏葉，仲有爆汁貢丸，好好味又特別，必試!除左邊爐雞煲，仲可以畫紙仔，叫小食，雞翼都唔錯，熱辣辣又夠脆! 仲有好多甜品/雪糕/飲品可以嗌，野食款類真係多到眼花撩亂! 自家製珍