S2 鐵板燒 (已結業)

又嚟到值得慶祝嘅日子 今日男朋友帶我去佐敦食鐵板燒 非常期待 鐵板燒喺香港嘅價位一向都偏高 但係呢間s2價錢親民之餘 味道仲幾好桔仔參茶 味道甘甘地 而且有粒金桔仔 好有潤喉嘅感覺 不過小朋友就未必啱飲三款唔同嘅刺身 有北寄貝 巨型甜蝦同三文魚 夠曬新鮮 而且隻甜蝦非常鮮甜 蝦頭亦都冇苦澀味北海道松葉蟹腳 只作簡單調味 唔會搶過蟹本身嘅味道 鮮味十足 而且殻唔太硬 普通鉸剪剪開食 用非常方便 而且啖啖肉 好似蟹肉放題咁日本十勝黑豚肉厚切配意大利黑醋 豬黑毛豬扒厚肉 而且爆汁油份十足之如 一啲都唔油膩 切到一口尺寸食用好方便 加意大利黑醋汁酸酸地 更加有清新嘅感覺櫻花蝦煮岩蠔 上面有海量脆卜卜嘅櫻花蝦 味道香濃 配上鮮味肥美嘅岩蠔 喺口入面融合 更有爆漿嘅感覺鐵板紙包蜆湯 上枱時用透明袋裝住 入面有蜆肉同清湯 都幾鮮甜 蜆肉肥美冇沙黃金炒飯 可以選擇口味 有和牛 黑松露 煙肉等等 我哋就揀咗黑松露 黑松露嘅味道較淡 但係飯粒炒得夠乾身 而且蛋味香濃 都唔錯