馬祖無限時台灣養生涮涮鍋

营业中

休息中

完左個假期之後，仲可以同朋友慶祝下，真係開心！放工去左旺角馬祖打邊爐，係任飲任食無限時打邊爐！之前試過都好正，食過返尋味😋座位好寬落而且係淺色為主，坐落都好舒服，加上衛生方面，服務員既態度都要讚～好好解釋要點揀餐，再教我地落單！入到去就叫左湯底先，咁一定食個鴛鴦煲，今次試下「沙茶湯底」同「揶香雞湯底」，湯底都有吾少既材料所以十分濃郁！而佢有四款set，分別有吾同佢肉，我地就試佢第二款set B，咁就可以瘋狂叫佢既牛肉豬肉！想推薦Prime Grade 安格斯牛頸椎，仲有海鮮，都好好味，餐廳仲送左地瓜條有四隻味，分別係麻辣、海苔、蕃茄、甘梅，個人就比較推介甘梅味，除咗特別之外，仲好開胃。落單需要掃QR code，有多款火鍋配料！蟲草花，蓮藕片，芋絲，金菇，鮮萵筍，響鈴卷，山根，蘿蔔，白鱔片，自製手工韭菜餃子，三星蔥熔岩醬貢丸，是日精選海鮮，帆立貝，炸魚皮沙茶牛肉，火鍋配料多都數吾晒！ 最值得讚嘅係台灣鴨血，鴨血濃同甜，吸收埋湯嘅味道之後，一流，而且落完單好快就有，啱晒勁擦得嘅我地，除咗火鍋配料之外，打邊爐點可以少得雪糕呢？我地食完火鍋就用第二個胃食甜品Häagen-Dazs芒果紅桑子雪糕