浜松水產 (已結業)

「浜松水產」呢間聽係算性價比極高嘅日本料理. 因為佢隻澳洲龍蝦真係幾低食。一隻活澳龍$428，如果你想二食，個頭用嚟做個清湯鍋，就$488，咁我就揀咗個湯二食。龍蝦肉夠爽彈，微甜，點佢個蝦酢就麻麻哋，都係配返芥末豉油穩陣啲。用頭熬嗰啖湯，鮮味清甜，佢仲加入了一些菜類，使整體多份蔬菜香。除此之外，我仲點咗個$148（鮑魚炒飯）-飯粒炒得略乾、硬. 水份唔係好夠，飯整體沒有鮑魚香，雖然兩者放埋一齊，但每食一啖，味道都好似分割開一樣，互不牽引對方。$138（廣島蠔鍋）-個湯係木魚精水，不是鰹魚出汁，蠔肉飽滿，應該係急凍蠔，如果把蠔肉加少少味，煎煎佢，再放入鍋內煮，應該更能發揮出蠔肉嘅香味。整體上只係龍蝦最低食，其他就真係好舊派嘅日本料理味道。