影片
更多
2016-03-15
1988 浏览
此店開後大量商業推廣，前面數個食評好明顯亦都系出席此等性質之飯局后所寫，參考價值存疑。好定唔好自己出錢以普通食客惠顧就最真實。事前已經預計有中伏之可能。訂位，講日文識英文之女士，日人駐場理應有加分，但毫不猶疑有位，咁即係生意不旺，已經有啲到我猶疑。按時到店，門面尚可，比較安靜，多數系無語言障礙溝通之本地僱員，巡場一輪，壽司吧鐵板燒吧基本如還算乾淨企理，但裡面嘅人就企多過做。當晚只有一個中年女性日籍侍應出現過一次，其他其實都係本地。其實就環境而言，夠闊落，都靜（人少點都靜啲），平心而論就系環境好少少嘅港人日本料理。睇餐牌，如餐廳網上所列嘅差唔多，得個名嘅套餐但又唔系OMAKASE，想了解多啲，但問侍應基本講唔出所以然，其實招呼唔系差，侍應本身都熱情但對於食物嘅培訓欠奉（責任在於餐廳本身唔關侍應個人事）。Dinner set幾款都寫住懷石Kaiseki嚄，日本嘢食唔多，但所試過香港米芝蓮裡面主打懷石料理嘅價錢同此店相差不遠。希望了解下究竟是否真係懷石料理，但店內完全所有人都答唔出。其中一個侍應好熱情咁想解釋我聽，但佢本身系連懷石料理幾道菜有啲乜名堂都唔曉講，唔系想寸人，叫得懷石嘅講下八寸之
訂位，講日文識英文之女士，日人駐場理應有加分，但毫不猶疑有位，咁即係生意不旺，已經有啲到我猶疑。
按時到店，門面尚可，比較安靜，多數系無語言障礙溝通之本地僱員，巡場一輪，壽司吧鐵板燒吧基本如還算乾淨企理，但裡面嘅人就企多過做。當晚只有一個中年女性日籍侍應出現過一次，其他其實都係本地。其實就環境而言，夠闊落，都靜（人少點都靜啲），平心而論就系環境好少少嘅港人日本料理。
睇餐牌，如餐廳網上所列嘅差唔多，得個名嘅套餐但又唔系OMAKASE，想了解多啲，但問侍應基本講唔出所以然，其實招呼唔系差，侍應本身都熱情但對於食物嘅培訓欠奉（責任在於餐廳本身唔關侍應個人事）。
Dinner set幾款都寫住懷石Kaiseki嚄，日本嘢食唔多，但所試過香港米芝蓮裡面主打懷石料理嘅價錢同此店相差不遠。希望了解下究竟是否真係懷石料理，但店內完全所有人都答唔出。其中一個侍應好熱情咁想解釋我聽，但佢本身系連懷石料理幾道菜有啲乜名堂都唔曉講，唔系想寸人，叫得懷石嘅講下八寸之類都好呱。
心已經少少覺得瀨嘢，坐低就硬住頭皮繼續，整個Kaiseki Tasting menu啦，盛恵1288+10%，其實有另外一個menu1888，都有個乜天婦羅Kaiseki同壽司Kaiseki，第一次聽到kaiseki可以咁多樣嘅。再問侍應都完全唔曉乜系kaiseki，唯有算數啦，點完等食就係了。
頭尾六道菜，乏善可陳，完全唔系kaiseki，就系普通港式日式套餐，個鐵板燒牛肉問系邊道嘅牛，告知美國牛，好心啦，叫得kaiseki和牛都冇粒，就算唔系日本嘅澳洲嘅都叫近傍。上咗個牛肉，適應話畀碗白飯你，送嘅，好貼心，知道嘢少唔飽啊，食懷石料理咁食法第一次，送埋白飯。學阿蘇話齋，唔好當人盲毛啦。
頭盤，三樣嘢，擺上來要我問了先話入去問下廚師系乜嘢，同普通壽司店嘅出品差別唔大。
第二個到刺身，三樣魚，每樣兩件，話我知系中拖蘿、油甘魚同另外一種魚，色水有啲黯啞，味道口感就不過不失，一樣系冇乜出色之處。
第三樣湯，用個好似藥煲咁嘅容器載出來，話系有蝦，確實食到一隻，味道都系普普通通。
第四樣天婦羅，一隻炸蝦，其他就係齋了，粟米、牛蒡之類，炸得一般，炸粉唔夠薄脆，有少少油。
第五樣到主菜，個牛肉，一睇就知道唔系和牛，問系乜牛，都係要入去問過師傅先，出來話系美國牛，好普通的貨色，煎得比較油，唔系牛肉本身油花，而系落多油去煎。侍應都好好人，話畀碗白飯，而且話最好食嘅其實系旁邊嘅炸蒜片……確實做得比牛肉好。
最後了，話甜品，算當晚比較好嘅出品了，新鮮，個柑橘做嘅慕斯夠清新，但就系少咗啲。
期間問適應可唔可以知道餐嘢食咗乜，搞咗一陣話寫畀我嚄，跟住又話自己手字唔靚，要我自己寫……最後話今次要靠我記性了……
總結，無論想食好嘢抑或抵嘢，嘢食或者服務，此店都不是明智之選。最後再問適應咁就kaiseki啊？答話早知咁1888嗰個餐啦……香港要食懷石料理，去天x龍X，Wxxxx Kaiseke Dxx基本差唔多價錢，但真係值得。想食抵啲嘅kaiseki，同樣新開嘅料理人x田有誠意得多（雖然同真正好嘅kaiseki有距離）。
經此一餐，對商業推廣有深刻體會，實物與圖片可能不符，食評與真實體驗亦都一樣。black list內容有所增加。
张贴
