人生有限杯.串燒店

营业中

休息中

今次去左中環食人生有限杯串燒店，真係好抵！每串只係$10起，價錢親民，仲要係中環😆首先試咗明太子忌廉烏冬，真係驚喜！呢個味道濃郁得嚟又唔會過於膩，烏冬吸晒明太子同雞蛋醬汁，口感滑溜😋蒜蓉菜脯燒元貝，啖啖都有咸香味，加埋少少粉絲，食落去非常過癮😎之後再試蜜糖燒菠蘿，菠蘿好甜，燒得好香！鹽燒西班牙五花腩都唔可以錯過，肉質嫩滑，帶點鹹香，咬落去好有滿足感💖 泰式燒墨魚鬚就係另一番滋味，香辣嘅醬料配上墨魚鬚，好有咬口，忍唔住要再叫多幾串😏鹽燒雞中翼，外脆內嫩，完全係啤酒嘅最佳拍檔🍺 最後日式秘製汁炸雞全翼，炸得金黃酥脆，汁液豐富，真係太好味啦✨甜品方面當然要嚟一個港式蜜糖多士夾雪糕，多士烤得好脆，加埋雪糕，好正！總括來講，「人生有限杯串燒碟」真係一個隱藏版嘅美食天堂，價錢親民，味道一流，值得一試！