Burgeroom (Fashion Walk)

营业中

休息中

好多年前開始食Burgeroom，鍾意佢呢條食街既氣氛。而佢呢間餐廳有西餐嘅氣氛，但係價錢都好親民。嗰日突然之間諗起佢，就同個朋友去食下。佢漢堡包嘅選擇真係有好多，淨係睇個Menu都諗咗成10分鐘先揀到。我就叫咗個煙肉牛肉漢堡，佢將個漢堡一開二，分量超多好夠飽。佢啲牛肉煎得啱啱好，唔會太乾又唔會太生可以保持Juicy。我朋友就叫咗個菠蘿鱈魚漢堡，我試咗少少酸酸地好開胃。之後我哋嗌咗魚手指同埋薯條，兩樣都炸得好脆好好食。我嗌咗杯奇異果汁都幾大杯，唔會好似其他西餐廳咁得個細細杯。呢度最好係唔使收加一，我哋咁樣食到勁飽都係$300左右，真係好抵食！