鮨逸

营业中

休息中

朋友喺網上見到一間位於銅鑼灣嘅廚師發板，見到上網都有幾多人推介，估唔到前一日打去book位都仲book到，不過可惜嘅係吧枱已經full左，只能安排我哋坐四人枱。餐廳裝修簡約，面積都不算少，我哋兩個人坐四人枱，坐得10分舒適。呢度嘅廚師發板一共有25貫，好豐富。 經過店員介紹，我哋點左一支200ml清酒，比較甜身而且容易入口，好適合女仔飲！三款前菜分別係鹿兒島糖蕃茄，蕃茄好清甜，唔使任何調味已經好好食。螢光魷魚味道濃郁，配上醬汁，層次好豐富。沖繩水雲配蟹肉，味道酸酸的，好開胃，蟹肉亦都10分鮮甜。跟住就食多款不同嘅刺身同埋壽司，全部都好新鮮，好有日本嘅感覺。店員都會好細心地介紹每一款菜式，但係由於菜式太吸引，我掛住食，記唔晒所有嘅魚類名稱😆😆😆😆春香岩蠔分量好似我手掌咁大，配上秘製醬汁，食落去好鮮甜，蠔味濃郁，一試難忘！食到最後，甜品都好豐富，有草莓天婦羅，第一次食生果天婦羅，感覺好特別，再食埋甜甜的玉子燒，入口即溶。最後食雪葩，清一清味蕾以及消滞，成餐飯非常之滿足！今次算係一次令我印象深刻嘅廚師發板體驗，好多款不同嘅食物，全部都好好食，性價比極高！