阿久根和牛拉麵屋

营业中

休息中

琴日咁岩去旺角附近行街見朋友，我地行到咁上下喺廣華醫院附近見到呢一間主打和牛嘅拉麵，見入邊都有位置，唔使點等，就入去試吓呢間拉麵舖。外面門面望落去都幾靚，好有日式嘅風格，入到去店員都好有禮貌。我哋叫咗一個沾面，一碗拉麵，一個章魚燒。沾麵叫咗個濃蝦湯和牛沾麵，湯底濃郁蝦湯味，佢係用石鍋熱住個湯，個濃蝦湯黎到仲係滾緊，和牛有幾片，唔係得1-2片，浸落個湯到沾埋個和牛食好正，蝦湯配和牛正，面硬度適中，值得推介。 章魚燒都燒得好食，唔錯，外脆內軟，食到係岩岩燒出黎既。另一碗拉面係魚介湯豚肉拉面。湯底夠味，豬都有幾片，面既份量都夠, 硬度適中。我食完沾面交換食個拉面，食食下又想食個沾面。兩碗都唔錯。價錢合理，性價比好。