寶哥火鍋味館 (已結業)

個陣去食之前聽班朋友講話去食寶哥，我都有Ｄ驚話會好貴，因為佢地話Ｄ牛肉夠靚，又有海鮮同刺身食。黎到門口望到個MENU，原來仲平過係旺角食個堆火鍋。咁我地今次就揀左Ｂ餐。睇住佢張點餐紙，Ｄ選擇唔係好多咁，不過都揀到好多野。首先會有刺身上枱，數量會根據人數而增減仲會送埋盆海鮮上黎，都係當日時令既海產。點左個醉雞湯底，幾香，Ｄ雞件仲好足添。呢盆牛好好味，牛味重，入口軟鯰，正。任食餐單既野都唔馬虎，呢個價錢都有呢Ｄ料，估唔到。個三拼丸係手打，好足料。佢地既魚蛋都係手打，出面食唔到。我Ｄ　ＦＤ就鐘意食魚，我就麻麻啦。二百零蚊唔洗就食到呢餐，其實我都有Ｄ估唔到，如果講同區既話我諗呢間係最抵食，不過記得ＢＯＯＫ位，有時都幾ＦＵＬＬ！