Luna Kaffe

营业中

休息中

琴晚同朋友去咗旺角嘅 Luna Kaffe，職員服務親切，食物又抵又好味！🥢白布烏冬 配香烤油封鴨髀本身已經好鍾意食冷沾烏冬，呢度嘅白布烏冬煙韌彈牙，烹調得啱啱好，以後唔使去日本排長龍啦😆配埋油封鴨髀，肉質嫩滑，油脂分佈均匀，香味十足。一啲都唔覺膩，食落口感非常滿足。🥢重量級安格斯牛肉漢堡伴薯條呢個漢堡絕對係名副其實嘅「重量級」！牛肉漢堡扒厚切又多汁，肉味濃郁，配上香滑嘅芝士同脆口嘅生菜，仲有少少醬汁提味，啖啖都係幸福嘅感覺。薯條熱焫焫新鮮上檯，炸得好香好脆👍🏻🥢芝士煙肉焗蠔蠔夠大隻，鮮味十足，焗芝士加埋煙肉鹹香，令呢個小食層次感提升咗好多。入口先係濃郁芝士香，之後係蠔嘅鮮甜，真係一流。🥢蒜香牛柳粒牛柳粒煮得啱啱熟，外層微微焦香，內裡仲保持住嫩滑嘅口感。蒜香味濃郁但唔嗆，調味非常出色，食落非常惹味，配埋白飯或者單食都一樣正。